ĕçтешсем

Паян «Хыпар» издательство çурчĕн ача-пăча кăларăмĕсен корреспонденчĕсем, Валентина Федоровăпа Лариса Петрова, Чăваш наци радиовĕнчи «Ирхи кăмăл» кăларăмра тÿрĕ эфирта пулчĕç. Радио итлекенсене «Тантăш» хаçатпа тĕплĕнрех паллаштарчĕç. Шкул ачисене хаçат-журналпа тачă çыхăну тытма йыхравларĕç.

Раççей ял хуçалăх надзорĕн Чăваш Республикинчи тата Ульяновск облаçĕнчи управленийĕ çулталăк вĕçленнĕ май журналистсене пухасси ырă йăлана çаврăнса пырать. МИХ ĕçченĕсем управлени специалисчĕсемпе кирек хăш вăхăтра та тĕл пулаççĕ-ха, ку е вăл ыйтăва тăтăш уçăмлатма тивет. Кирлĕ информацие халăх патне çитермелле вĕт.

"Хыпар" издательство çурчĕн ача-пăча кăларăмĕсен редакцийĕ "Тантăш" хаçат тата "Самант" журнал çырăннисем хушшинче выляв ирттерсе унăн çĕнтерÿçине палăртнине эпир пĕлтернĕччĕ. Паян вара телейлĕ çемьене чысларĕç. Çав ятпа редакцие Хĕл Мучи те килсе çитрĕ. 

Чăваш Енре Пĕтĕм Раççейри «Паттăрлăх çăлтăрлăхĕ» фестивалĕн регион тапхăрĕн çĕнтерÿçисене чысларĕç. Кăçалхипе вуннăмĕш хут йĕркеленĕ ăна. Çак тапхăрта конкурс Раççей МЧСĕн чи анлă акцийĕ пулса тăчĕ.

Pages

Subscribe to ĕçтешсем