ĕçтешсем

25 Чÿк, 2019

«Хыпарта» тăрăшнă ĕçтешĕмĕре юбилей ячĕпе саламларăмăр

«Чăваш коммунинче», «Коммунизм ялавĕнче» /халĕ «Хыпар»/ вăй хунă ĕçтешĕмĕр Ксения Алексеева çуралнăранпа чÿк уйăхĕн 25-мĕшĕнче 90 çул çитрĕ. Ксения Яковлевна паян — хаçатра ĕçленĕ чи ватă ветеран. Çак кун ун патне çитсе килтĕмĕр.

5 Çурла, 2019

«Хыпар» издательство çурчĕн журналисчĕн ĕçĕ конкурсра çĕнтернĕ

Чăваш Республикин Цифра аталанăвĕн, информаци политикин тата массăллă коммуникацисен министерстви коррупципе кĕрешессипе çыхăннă ыйтусене çутатакан материалсен тата социаллă рекламăсен сценарийĕсен конкурсне пĕтĕмлетнĕ.

Икĕ конкурс комиссийĕн ларăвĕ утă уйăхĕн 30-мĕшĕнче иртнĕ. Экспертсен йышне ЧР Шалти ĕçсен, Юстици, Цифра аталанăвĕн министерствисен, Роскомнадзорăн Чăваш Енри управленийĕн, ЧР Журналистсен союзĕн представителĕсем кĕнĕ.

7 Çу, 2019

«Хыпар» издательство çурчĕн корреспонденчĕ — Çĕнтерÿ урокĕнче

Çу уйăхĕн 7-мĕшĕнче Шупашкарти вĕренÿ учрежденийĕсенче пĕрлехи урок иртрĕ. Çĕнтерÿ волонтерĕсем Тăван çĕршывăн Аслă вăрçи вăхĕтĕнче Шупашкар кун-çулĕ пирки каласа кăтартрĕç.

16 Ака, 2019

«Хыпар» издательство çурчĕн ача-пăча кăларăмĕ Шупашкарти ача садĕнче пулчĕ

Паян «Хыпар» Издательство çурчĕн ача-пăча кăларăмĕсен корреспонденчĕсем Валентина Селенинăпа Лариса Петрова Шупашкарти 30-мĕш ача садĕнче пулчĕç.

— Шăпăрлансем пире хаваслă кĕтсе илчĕç. Хĕрачасем маскак тăхăннă. Паянхи куна вĕсем чăн-чăн уява çавăрнă. Сĕтеле хăйсем çырăнса илекен пирĕн кăларăмпа — «Тетте» журналăн тĕрлĕ номерĕпе — пуянлатнă, — терĕ Валентина Селенина.

Pages