Archive - 2017 - Çамрăксен хаçачĕ

февраль 22nd

22 Нарăс, 2017

Çарта урай çутарман, çĕрулми шураттарман

Хĕсмете каясси ĕлĕкех сумлă пулнă. Ăна ял-йыш хисепленĕ. «Салтак пулман — нуша курман», — тенĕ ваттисем. Çарта темĕн те пулать: кулмалли те, пăшăрханмалли те. Салтак пурнăçĕ мĕнпе асра юлнă? Тăван çĕршыв хÿтĕлевçин кунĕ умĕн эпир республикăри паллă çынсене çак ыйтупа чăрмантартăмăр.

22 Нарăс, 2017

«Манăн анне»

Татьяна Иванова Шупашкарти 55-мĕш шкулта социаллă педагогра ĕçлет. Хăйĕн валли яла­нах çĕннине уçма тăрăшать. Хĕрĕ Милена кĕçех 4 çул тултарать. Хĕр пĕрчи питĕ калаçма юратать, çавăнпа ун­па кирек ăçта кайсан та — театра, лавккана, музея — интереслĕ. Милена амăшне пулăшма юратать: вĕтĕ кукăль çупать. Амăшĕпе хĕрĕ пĕрле ÿкерме те кăмăллаççĕ.

февраль 16th

16 Нарăс, 2017

Чаплă юрăç та, художник та

Килте тутарла çеç калаçакан Зиля Субханкуллова шкула çÿриччен чăвашла пĕр сăмах та пĕлмен. Паян, çиччĕмĕш класра вĕренекенскер, чăваш чĕлхи урокĕнче чи пултарулли. Людмила Александровна Сорокина педагогăн кашни сăмахне ăша хываканскер «5» паллăсем çеç илет. Кашни хăнăхтарăва кăмăлтан пурнăçлать.

16 Нарăс, 2017

«Çамрăксен хаçачĕ» 6 (6150) №. 16.02.2017

16 Нарăс, 2017

Пĕрре курсах килĕштернĕ

Шупашкарта пурăнакан Сергей Никифоровпа Комсомольски районĕн хĕрĕ Диана Карпова кăçал Юратакансен кунĕнче çемье çавăрнă. Çамрăксем пĕр-пĕрне пĕрре курсах килĕштернĕ. 2013 çулхи çĕртме уйăхĕнче пулнă ку. Асанкасси пики çуллахи каникулта «Салют» лагерьте вожатăйра ĕçленĕ. Сергейпа шăпах унта паллашнă вăл. Яш вожатăйра тăрăшакан тусĕсем патне пынă. Дианăн хĕр тусĕ каччăсене палланăран хăйне хăюллă тытнă, Асанкасси пики вара именнĕ, сăмах чĕнме аптăранă. Çакна асăрханă Сергей Дианăпа пуплеме тытăннă. Сăмах хыççăн сăмах – çамрăксен калаçăвĕ сыпăннă, хĕр хăйне хăюллăрах тытнă.

16 Нарăс, 2017

«Халăха çывăх ыйтусене çутатаççĕ»

Николай ПЛОТНИКОВ, Чăваш халăх сайчĕн тĕп администраторĕ:

– «Çамрăксен хаçачĕ», манăн шухăшпа, халăха çывăх ыйтусене çутатнипе вулаканăн кăмăлне каять. Çемьери хутшăну, кулленхи пурнăç, юрату авăрĕ хăйне çывăх пулнăран вулакан çавнашкал статьясемпе хаваспах паллашать. Чăваш культурипе, чăвашлăхпа çыхăннă статьясемпе интервьюсем пурри те хаçата пуянлатать. Тем тесен те, лавккара хаксем ÿсни çеç мар, маларах асăннă ыйтусем те халăха пăшăрхантараççĕ.

Паллах, хаçата лайăхлатмалли майсем çук мар. Манăн шухăшпа, унăн дизайнне улăштармалла. Ăна хальхилле тусан вулакан тата хапăлласа йышăнĕ.

«Çамрăксен хаçатне» 2017 çулăн II çурринче илсе тăмашкăн 340,92 тенкĕпе çырăнтараççĕ.

16 Нарăс, 2017

Тăлăх нушине лайăх ăнланаççĕ

Канаш районĕнчи Катек ялĕнче пурăнакан Алексеевсен çемйинче – ултă ача. Туслă йышра опекăна илнĕ хĕрачапа арçын ача кил ăшшине тупнă. Алевтина Климентьевнăпа Владимир Николаевич пилĕк ачана пурнăç парнеленĕ. 2010 çулта вĕсем Çĕр чăтайми пысăк хуйхă тÿссе ирттернĕ: вĕсен пилĕк çулти пепки шыва путса вилнĕ.

16 Нарăс, 2017

Çамрăксем укçана шывпа юхтармаççĕ

«Лаша пуласси тихаран, çын пуласси ачаран паллă», — тенĕ ваттисем. Вăрмар районĕнчи Аслă Пинер ял тăрăхĕнчи яш-кĕрĕмпе хĕр-упраç пурнăç тĕллевĕ, ыранхи кун пирки шухăшлани сисĕнчĕ. Вĕсенче мал ĕмĕтлĕх тапса тăни кăмăла çĕклерĕ.

16 Нарăс, 2017

«Катлета кам çинине ачасем мар, хамăр та пĕлместпĕр»

«Катлета кам çинĕ?» Математика предметĕнчи практика ĕçĕнчи задачăн хуравне тупас тесе редакцие Шупашкарти 20-мĕш шкула кăçал пĕрремĕш класа каякан ачасен ашшĕ-амăшĕн пĕр ушкăнĕ кĕрсе тăчĕ. Вĕсем вырăс чĕлхинчи О-Ă орфограммăсене ăша хывтармалли правила пирки: «Ачасене мĕншĕн йăнăш тĕслĕхсене кăтартмалла?» — терĕç.

16 Нарăс, 2017

Садике çÿриччен вырăсла пачах пĕлмен

«Ача-пăчана ашшĕ-амăшĕ мул париччен ăс пама кирлĕ», — тенĕ ваттисем. Тарăн шухăша путрăм. Чăнах та, ăс пама пĕлмелле-çке-ха. Чăваш Енре Амăшĕпе Ашшĕн çулталăкĕ малалла тăсăлнине шута илсе «Чуна уçса калаçар» рубрика тĕпелне халăхра ят-сум çĕнсе илнĕ кулăш ăстин Петр Ермолаевăн аслă хĕрне София ЕРМОЛАЕВĂНА чĕнес терĕм. Хальхи саманара ÿсекен ачан шухăш-кăмăлне пĕлес килчĕ. Тата юлашки çулсенче лара-тăра пĕлмен София чăваш эстрадинче палăрчĕ. Ку çеç мар, ăна республикăри ачасем валли йĕркелекен уявсене чăвашла ертсе пыма та шанаççĕ. Пĕлтĕр вара вăл Пĕтĕм Раççейри тăван чĕлхене вĕрентекенсен ăсталăх класĕнче «Вĕренекенсен тăван чĕлхепе туптакан пултарулăхĕ» енпе «Вокал пултарулăхĕ» номинацире иккĕмĕш вырăн йышăнчĕ. Чунра хавхалану, çут çанталăк панă ăсталăх пулсан умри çулсем уçă. Кăçалхи çулла 14 çул тултаракан хĕр пĕрчипе Шупашкарти А.Гайдар ячĕллĕ ача-пăча библиотекинче /унта унăн амăшĕ Елена Ермолаева ĕçлет/ чуна уçса калаçма питĕ кăмăллă пулчĕ. Малалла вулас...

Pages