Archive - Хыпар
ноябрь 21st, 2013
Пулăшу ыйтакана - хÿтлĕх
Çулталăк вĕçлениччен уйăх ытларах юлнă пулин те Республикăри ĕçпе тивĕçтерекен патшалăх службин Вăрмар районĕнчи халăха ĕçпе тивĕçтерекен центрĕ 2013 çула палăртнă тĕллевсене пурнăçланă та ĕнтĕ. Чÿк уйăхĕн 5-мĕшĕ тĕлне районта 1101 гражданина йышăннă, вĕсенчен 949 -шне ĕçпе тивĕçтернĕ.
Йывăрлăхсене парăнмасăр аталанатпăр
Чăваш Республикин Министрсен Кабинечĕн Председателĕ Иван Моторин «Хыпар» хаçата пуçласа интервью пачĕ. Агропромышленноç комплексĕн çăлăнăçĕ мĕнре, пая кĕрсе çурт çавăракансен ыйтăвĕсене мĕнле татса параççĕ, хĕвел модулĕсем туса кăларакан завода хăçан хута ярĕç, вĕренÿпе культура - çаксем тата ытти çинчен малалла вулăр.
Прокуратура статистикăшăн та яваплă
РФ «Раççей Федерацийĕн прокуратури çинчен» саккунĕн 51 статйипе килĕшÿллĕн кăçалхи кăрлачăн 1-мĕшĕнчен РФ Генеральнăй прокуратурине прокуратура органĕсенчи отчетлăхпа пĕрлех патшалăхăн пĕрлехи право статистикине тытса пымалли тивĕçе те шанса панă. Çав шутра - преступленисем пирки пĕлтернисене, преступлени тăвассин лару-тăрăвĕн, вĕсене уçса парассин, следстви ĕçĕн тата прокурор надзорĕн кăтартăвĕсене шута илсе пырасси.
Самана ыйтнинчен юлмастпăр
Республикăри вĕренÿ тытăмĕн 9 уйăхри аталанăвĕ пирки коллегире уççăн калаçас тени ăнсăртран мар: бюджета йышăннă чухне шăпах ведомствăн çак тапхăрĕнчи ĕç-хĕлне пăхса тухаççĕ. Пĕтĕмлетÿсем тума вĕренÿ çулĕ пуçланнăранпа хатĕрлесе çитернĕ документсем те май параççĕ. Чÿк уйăхĕн 19-мĕшĕнче ЧР Вĕренÿ министерстви коллегин анлă ларăвне ирттерчĕ, унта республика Пуçлăхĕ Михаил Игнатьев та хутшăнчĕ.
ноябрь 20th
Манăн полици мана хÿтĕлет
Вырăнти влаç - халăхшăн
Çыннисем хастар пулнăран
Тăвай енре - вунă ял тăрăхĕ, 16011 çын пурăнать. Ентешсенчен ытларахăшĕ çĕр ĕçĕнче тата выльăх-чĕрлĕх пăхнă çĕрте ырă тĕслĕх кăтартать. Кăçал ял хуçалăх кооперативĕсемпе предприятийĕсем 16,7 пин тонна тырă, 3,2 пин тонна çĕр улми пухса кĕртнĕ. Пĕрчĕллĕ тата пăрçа йышши культурăсем кашни гектартан вăтамран - 15,6, çĕр улми 115,9 центнер тухăç панă. Кĕрхисене 2810 гектар акса хăварнă, 3910 гектар çĕртме тунă.
Елчĕксем Рыбинскра палăрнă
Ярославль облаçĕнчи Рыбинск хулинче кире пуканĕ йăтассипе Раççейри студентсен чемпионачĕ иртнĕ. Помост çине 31 аслă шкулти 200 ытла атлет тухнă. Малти виçĕ вырăна Омскри физкультура, Томскри патшалăх тата Рыбинскри авиаципе технологи университечĕсен командисем йышăннă. Тăваттăмĕш вырăнта - Чăваш патшалăх ял хуçалăх академийĕн студенчĕсем.
Пакунсем саккуна пăсма чăрмантармаççĕ
Прокуратура тата право хуралĕн органĕсем çулталăк пуçланнăранпа коррупципе кĕрешес енĕпе ĕçленине пĕтĕмлетнĕ те - хăшĕ-пĕри мундир чысĕшĕн çунманни куç кĕрет. Кăçал право хуралĕн органĕсен сотрудникĕсем преступлени туни çинчен 62 пĕлтерÿ пулнă. Вĕсене тишкерсе 9 çын пирки 68 уголовлă ĕç пуçарнă.