Archive - Тантăш

юпа 11th, 2018

«Ырра курсан ырă пулăн, усала курсан усал пулăн», — тенĕ ваттисем. Иккĕшĕ те пур пирĕн пурнăçра, тараса çине хурса виçес пулсан хăшĕ çĕнтерĕ-ши? «Паллах, усалли», — тейĕ хăшĕ-пĕри. Анчах çав териех япăх шухăшлама кирлĕ мар. Усалли куçа тÿрех тăрăнать, ыррине вара час-часах асăрхамаççĕ, çавăнпа вăл сахал пек туйăнать те. Тĕнчене ырăрах курас текен паян йышланса пыни савăнтарать.

Пурнăç таçта та илсе çитерет тесе ахальтен каламан ваттисем. Кам шухăшланă эпĕ кăçал Беларуç çĕршывне туя каятăп тесе? Çуллахи илемлĕ кун манăн виççĕмĕш сыпăкри аппа унта качча тухрĕ.

юпа 4th

Хăш-пĕр чухне паллă артиста сăнатăн та: «Ача чухне мĕнлерех пулнă-ши вăл?» — текен шухăш çавăрса илет. Çав вăхăтрах сцена çинче пултарулăхпа тĕлĕнтерекен ачана та çулсем иртсен мĕнле пулассине куç умне кăларма тăрăшатăн.

Учитель тесенех куç умне çутă сăнар тухать. Мĕн тери ырă вĕсем, пире тăрăшса, ырми-канми пĕлÿ паракансем! Вĕрентекенсен çумĕнче ăшăлăх туятăн, киле кайсан — тунсăхлатăн. Манăн шухăшпа, чи телейлисем — учительсен ачисем. Пурне те ыррине кăна сунакансем ачисене те тĕрĕслĕхпе сăпайлăха вĕрентни паллă. Анчах çак професси çыннин ачи пулма çăмăл-ши?

сентября 27th

Шупашкарти 41-мĕш шкулта 10-мĕш класра вĕренекен Софья Павлова — республика Пуçлăхĕн стипендиачĕ. Вăл уйăхсерен тивĕçекен укçана пухса пырса гитара туяннă. «Çак музыка инструменчĕпе выляма питĕ юрататăп», — чунне уçрĕ Софья. Гитара калас ăсталăха епле туптанă-ши вăл?

Pages