Archive - Хресчен сасси

январь 15th

Тăван чĕлхешĕн хыпса çунакан çынсем çĕршывăн пĕтĕм кĕтесĕнче пур. Вĕсенчен пĕри — Питĕрте пурăнакан Алефтина Лисина. Ăслă, сăпайлă, ăшă чун-чĕреллĕ хĕрарăм чăвашлăхшăн хыпса çунать.
Асăннă хулара ăна ăçта кăна ĕçлеме тивмен? Юлашки çулсенче чăваш хĕрарăмĕ трамвайра кондукторта вăй хурать. Вăл кашни çынпах пĕр чĕлхе тупма пул-тарать. Унăн çепĕç сасси шыв юххине аса илтерет. Тĕлĕнетпĕр: мĕн чухлĕ асамлăх упранать-ши çак хĕрарăмра?

1956 çулта эпир, Патăрьел тăрăхĕнчи 20-30 çамрăк, кĕрхи призывпа Канаша çитрĕмĕр. Пирĕн тăрăхран маларах çитнĕ тепĕр 60-70 йĕкĕт унта-кунта чупкалать, пĕр-пĕринпе паллашрăмăр. Салтака юрăхлă пулнăшăн пурте савăнтăмăр.

Ку эрнере икĕ пысăк уяв: Раççей тата Чăваш пичечĕн кунĕсем. Малтанхи январĕн 13-мĕшĕнче иртрĕ пулсан, иккĕмĕшне вара йăлана кĕнĕ тăрăх çулсеренех январĕн виççĕмĕш вырсарникунĕнче йĕркелеççĕ.
Уяв умĕн республикăри тĕрлĕ кăларăмра вăй хунă е халĕ те ĕçлекен паллă журналистсемпе çыхăнтăмăр, ĕçри кăсăк самантсемпе пулăмсем çинчен ыйтса пĕлтĕмĕр.

декабрь 25th, 2019

Чăваш Республикин прокуратури И.Я.Яковлев ячĕллĕ Чăваш патшалăх педагогика университетĕнче пĕлÿ илекен студенткăн патшалăхран социаллă пулăшу илмелли правине тивĕçтернĕ.
Тĕрĕслев вăхăтĕнче çакна тупса палăртнă: асăннă вĕренÿ организацийĕн пĕр студентки, нумай ачаллă тата сахал тупăшлă çемьере пурăнаканскер, патшалăхран социаллă пулăшу /стипенди/ илсе тăнă. 2019 çулхи август уйăхĕнчен пуçласа вара вĕренÿре лайăх ĕлкĕрсе пынăшăн ăна патшалăхăн академи стипендине памалла тунă май социаллă пулăшăва пăрахăçланă.

Районти ватă салара — Лаш Таяпара — Театр çулталăкĕ Чăваш АССР халăх артисткин Мария Бикуловăн 1919-1985 асăну каçĕпе хупăнчĕ.
Мероприятие Мария Григорьевнăн ентешĕсемпе, тăванĕсемпе пĕрле район центрĕнчен тата Шупашкартан килнĕ хăнасем те хутшăнчĕç.

Çĕнĕ çул çывхарнă, ĕмĕтленни пурнăçланнă май Комсомольски районĕнчи Çĕнĕ Кипеçри Олег Петровăн кăмăлĕ савăк. Савăнма сăлтавĕ пур. Кăçал вăл «Агростартап» программăпа грант тивĕçнĕ, çĕнĕ ферма тунă.

декабрь 18th

Çут çанталăка упрас тĕлĕшпе мĕнле ĕçсем пурнăçланă-ха Кĕçĕн Шетмĕ тăрăхĕнче? Паян мĕн тăваççĕ? Çак тата ытти ыйтăва хуравлама Красноармейски районĕнчи «Нива» совхоз директорĕнче, Кĕçĕн Шетмĕ ял тăрăхĕн пуçлăхĕнче чылай çул вăй хунă, пуçарулăхĕпе хастарлăхĕшĕн нумай наградăна тивĕçнĕ паллă агронома Николай Семенова ыйтрăмăр.

Pages