ГЛОНАСС

Чăваш Ен Раççей регионĕсен - пысăк тĕрĕслĕхлĕ ГЛОНАСС/GPS спутник сечĕ пуррисен - йышне кĕнĕ. Республикăра 3 референци станцийĕнчен /РС/ тăракан сеть пулĕ. Вĕсенчен иккĕшне раштав уйăхĕн 9-10-мĕшĕсенче Канаш тата Шупашкар хулисенче вырнаçтарнă, эрне вĕçлениччен аппаратпа программа тепĕр комплексне Çĕмĕрлере лартĕç. Кашни станцие спутник приемникпа тата геодези антеннипе пуянлатаççĕ.

Чăваш Енре пĕтĕмпе çакнашкал 7 станци вырнаçтарма палăртаççĕ. РС çавăн пекех Куславкка, Улатăр, Етĕрне хулисенче тата Патăрьел салинче пулĕ.