Archive - 2015 - Хыпар

2016 çулта Чăваш наци конгресĕ Чăваш Республикин вĕренÿ тата çамрăксен политикин министерствипе пĕрле Ĕç çынни çулталăкне халалланă 8-11-мĕш классенче вĕренекенсен хушшинче çамрăк чăваш çыравçисемпе ÿнерçисен «ÇĔНĔ ХУМ» пултарăлăх ăмăртăвне тата «ЧĂВАШ РЕСПУБЛИКИН ЧĂВАШЛĂХА АТАЛАНТАРАКАН ЧИ ЛАЙĂХ ШКУЛĔ» конкурс ирттерме хатĕрленет.

Çак икĕ сумлă та пысăк ăмăртăва йĕркелесе ирттерме чăваш ачисен «Тантăш» хаçачĕ тата аслă классенче вĕренекенсемпе çамрăксен «Самант» журналĕ хутшăнать: конкурссен положенийĕсене, пĕтĕмлетĕвĕсене пичетлет.

Сумлă чăваш çыравçи Куçма Турхан çуралнăранпа 100 çул çитнине чысласа «Сĕве Атăла юхса кĕрет» роман тăрăх авăн-ч/к уйăхĕсенче викторина ирттертĕмĕр.

Шупашкарти 47-мĕш шкулта кадет класĕсем йĕркелени - пирĕншĕн çĕнĕ ĕç. Ăна эпир пĕлтĕр çеç пуçларăмăр. Кăçал иккĕмĕш кадет класĕ те «пиçсе» çитрĕ. Ачасене питĕ хавхалантарать вăл. Унта лекнине телей тесех йышăнаççĕ вĕренекенсем.

Медицина аптекине халăх йышлă çÿрет

ĔНЕ ЫРРИ ВĂЙ КĔРТЕТ

ВĔРĔЛСЕН ĂШĂТМАЛЛА МАР!

ХУРА ПИЛЕШ - ПАХЧАРИ ЧЕМПИОН

ÇУТÇАНТАЛĂК ЭНЕРГЕТИКĔСЕМ

Вăрмар райповĕн поселокра вырнаçнă медицина аптекине халăх йышлă çÿрет. Районти ялсенчен те, Тутар Республикинчи ялсенчен те килеççĕ.

Ĕне пăруланă хыççăн виçĕ-пилĕк кун сунă чухне сарă тĕслĕ çăра сĕт тухать. Вăл - ĕне ырри /молозиво/. Унра сиенлĕ бактерисемпе вируссене хирĕç тăракан антитела нумай. Шăпах çавна пула ĕнтĕ пăру организмĕнче пассивлă иммунитет йĕркеленет.

Сăмах май, ĕне ырри этем организмне те çакăн пек витĕм кÿрет. Унсăр пуçне паха çак çимĕçре усăллă ытти элемент та темĕн чухлех. Вĕсем тĕртĕмсене çĕнелме, тутлăхлă япаласене лайăхрах йышăнма, иммунитета çирĕплетме витĕм кÿреççĕ.

Радикулит вĕрĕлсен малтанхи темиçе кун çурăма канлĕхре тытмалла, тесе асăрхаттараççĕ тухтăрсем. Уйрăмах çакна асра тытмалла: ăшăтма юрамасть! Грелка, утюг, вĕри кирпĕч хуни ыратнине вăйлатать кăна.

Çивĕч тапхăрта ыратнине ирттерекен хатĕрсемпе, сăтăрмалли шĕвексемпе, маçсемпе, ваннăпа сипленмелле. Аптека препарачĕсемпе тата халăх мелĕсемпе усă курма пулать.

Сăтăрма

Хура пилешре аскорбин йÿçекĕ мандаринпа хĕрлĕ хурлăханра пурринчен те ытларах. Çавăнпа ăна пахчари чемпион теççĕ.

Аронире /тепĕр ячĕ çапла/ унсăр пуçне йод, В1, В2, Е, РР витаминсем, фоли йÿçекĕ, марганец, пăхăр нумай. Вăл юн тымарĕсене çирĕплетет, склероза хирĕçле, ват шĕвекĕ, шăк тухма витĕм кÿрет, юн пусăмне чакарать. Çавăн пекех хура пилеш - паха иммуностимулятор.

Сиплĕх тĕллевĕпе чĕрĕ çырлине кунне 100-200 грамм çиме сĕнеççĕ.

Витамин сиропĕ