Archive - 2015 - Хыпар

ЧР Прокурорĕ Сергей Легостаев, çул çитменнисемпе тата çамрăксемпе ĕçлекен пай пуçлăхĕ Тамара Шурыгина, çул çитменнисемпе тата çамрăксемпе ĕçлекен пайăн аслă прокурорĕ Алина Савельева кĕçнерникун журналистсем валли пресс-конференци ирттерчĕç. Ачасем саккуна пăснă тĕслĕхсем нумайланни, вĕсен тĕлĕшпе тунă преступленисен тавра пуçарчĕç калаçăва. Сергей Валентинович, ку должноçе кăçалхи çу уйăхĕнче йышăннăскер, чăваш МИХ ĕçченĕсемпе кун пек форматра пĕрремĕш хутчен тĕл пулчĕ.

Шупашкарти «Волжский» кинотеатр тунтикун Владимир Синяев режиссер ÿкернĕ «Ветки» илемлĕ фильм курма йыхравларĕ. «Илемлĕ фильм» тени те, ячĕ те ансат илтĕнет те, премьерăна хаклама пуçтарăннă халăх пысăк экран умне уçă кăмăл-туйăмпа вырнаçрĕ. Наркоманипе çыхăннă кино иккенне пĕлни çеç кăштах сисчĕвлентерчĕ-тĕр. Унăн витĕмĕ чуна çав таран çÿçентерессе, кĕлетке тăрăх сивĕ хумпа чупасса никам та кĕтменччĕ ахăр.

Указ Главы Чувашской Республики от 14 декабря 2015 года, № 196 «О присвоении почетного звания «Заслуженный работник промышленности Чувашской Республики» работникам открытого акционерного общества «Чебоксарский завод кабельных изделий «Чувашкабель».

Елчĕк районĕнчи Аслă Елчĕк ялĕнче çуралса ÿснĕ Анна Чернова. Çак ялах качча тухнă вăл. 26-ри хĕре 19 çулти йĕкĕте тупса панă. Хунямăшĕ тепре качча кайнăран Анна Макаровнăн упăшкин икĕ йăмăкне пăхса ÿстерме тивнĕ - качча пынă чухне 6 тата 7 çулти ачасем çеç пулнă вĕсем.

Çĕнĕ çул çывхарса килет. Тавралăха уяв сăнĕ çапрĕ. Ачасем Хĕл Мучипе Юр пикерен парне кĕтеççĕ.

Чăваш Ен Пуçлăхĕн мăшăрне Лариса Игнатьевăна республикăри Хĕрарăмсен союзĕ урлă пĕлетĕп. Ун ĕçне хастар хутшăнать вăл. Çак союзăн правлени членĕ пулнă май, пĕрре кăна мар курнă Лариса Юрьевнăна, сăпайлăхĕнчен тĕлĕннĕ... Вулаканăмăрсене тахçанах ун çинчен тĕплĕнрех каласа кăтартас килетчĕ.

Халăх хавалĕ - хĕвел вăй-халĕ

Ырă ĕç ывăнтармасть

Куç тулли телей - сакăр мăнукĕ

«Пысăк чĕреллĕ» ватă

Тăхăр теçетке - хыçра, Йĕлме йĕлтĕр - урара

Куç курми çил-тăман вĕçтерет. Ăшă пÿлĕмре канса ларас вырăнне Юрий Мясников каллех çула тухрĕ.

- Тырă хранилищи тăватпăр-ха, - кĕскен ăнлантарчĕ Елчĕк районĕнчи «Рассвет» хуçалăх ертÿçи Юрий Вячеславович. - Çуркуннеччен, ака-суха пуçланиччен, ĕçе вĕçлесшĕн.

Канаш районĕнчи Маякри Владимир Петрович Малов савăнăçĕпе, хавхаланăвĕпе, самант та хуйхăрма-кулянма паман шÿчĕсемпе вырăнпа выртакан чирлĕ çынна та ура çине тăратĕ. Хальччен вăл фермер хуçалăхне тытса пынă. Районти пĕрремĕш фермер малтанах çĕрулми, пахчаçимĕç лартса ÿстернĕ.

Вăл Хĕрлĕ Чутай районĕнчи Тарапайра çуралса ÿснĕ. Ачаллах ĕç çумне çыпăçнă. Исаковсем хĕрĕсене тирпейлĕ те ĕçчен пулма вĕрентнĕ. Шкул ÿсĕмне çитсен Мария парта хушшине ларнă.