Archive - 5 Jun, 2014 - Хыпар

Ача айăпа кĕрсен мĕн тумалла? Паллах, малашнехи пирки шухăшлама пĕлмен хăш-пĕр ашшĕ-амăшĕ пек хĕнеме те, ятлама та юрамасть. Кÿрентерни те, йĕкĕлтесе кулни те вырăнсăр. Çак пулăмсем çын асĕнче ĕмĕрлĕхе юлаççĕ.

Кăкăр ачисен шăл тухнă чухне час-часах температура хăпарать, варвитти пуçланать. Кун пек чухне пулăшакан лайăх рецепт пур. Çирĕкĕн 1 апат кашăкĕ йĕкелне 2 стакан шыва ямалла, вĕреме кĕртмелле. Çулăм çинчен илсен хупăлчапа витсе 40 минут лартмалла, сăрăхтармалла. Ачана кунне темиçе хут 1-ер десерт кашăкĕ ĕçтермелле.

ХЫР СĂМАЛИПЕ

Çу уйăхĕн 31-мĕшĕнче Табак тĕтĕмсĕр пурăнмалли Пĕтĕм тĕнчери куна паллă турăмăр. Ăна Пĕтĕм тĕнчери сывлăх сыхлавĕн организацийĕн пуçарăвĕпе 1987 çултанпа ирттереççĕ. Тĕллевĕ - халăха çак йăлан сиенĕ, вăл чир патне кăна мар, вилĕм патне илсе пыни пирки тепĕр хут анлăн аса илтересси.

Этемлĕх уçлăха та вĕçет, океан тĕпне те анать, çут çанталăкри хăрушă пулăмсемпе те, йывăр чирсемпе те ăнăçлă кĕрешет. Анчах шелсĕр тăшмана ниепле те çĕнтереймест. Çак тăшман - эпир хамăр. Сывлăха шухăшламасăр аркататпăр, пурăнас кунсене кĕскететпĕр.

Статья ятне мĕншĕн çапла панине вулакан ăнланса илчĕ пулĕ. Çĕнĕ ĕмĕре пырса кĕнĕ-кĕменех пирĕншĕн «иккĕмĕш çăкăр» шутланакан çĕр улмин чыс-сумĕ палăрмаллах чакрĕ. Ăна валли уйăракан лаптăксем куç умĕнчех пĕчĕкленчĕç. Чăваш Енĕн пур кĕтесĕнче те апат-çимĕçĕн тĕп продуктне аграри тытăмĕнчи предприятисем пусă çаврăнăшĕсенче вырăн парасси «манăçа» тухма пуçларĕ. Лару-тăру çакăн пек йĕркеленме тытăннипе, паллах, пĕрре те килĕшес килмест.

Ялта пĕри те тепри ĕçке ернине лавккара эрех-сăра часах сутăнса пĕтнинчен те лайăх пĕлетпĕр. Хакĕ хытах çыртать пулин те пĕрмай унта чупаççĕ.

Йÿççине ĕçсе супнăшăн пĕрисем совет саманине айăплаççĕ. Чăн та, çутти иртнĕ ĕмĕрте чăваш пурнăçне çирĕп кĕрсе вырнаçрĕ. Ăна сыпнă хыççăн аташакан пайтахчĕ. Анчах партипе правительство тăмана шÿрпине тутансанах общество вырăнĕнче сĕмпĕлтетсе çÿрекенсене, йĕркене пăсакансене явап тыттарма тăрăшнă: е пайăр ĕçне парткомра, халăх судĕнче, пухура сÿтсе явнă, е пуçлăх ятланă, премисĕр хăварнă, е стена хаçатĕнче вирлĕн питлесе пите хĕретнĕ.

30-мĕш çулсен пуçламăшĕнче Шупашкар районĕнчи Шоркка ялĕнче «Победа» колхоз йĕркеленĕ. Трифон Афанасьевпа Федор Ильин унăн малтанхи председателĕсем пулнă. Чăпта çапмалли промэртел ĕçленĕ.

Следстви комитечĕн Шупашкарти пайĕн производствинчи уголовлă çак ĕçсем иккĕшĕ те çын вилĕмĕпе çыхăннă. Иккĕшĕнче те айăплисем яваплăхран пăрăнас тĕллевпе çын виллине пытарма тăнă.

Пĕлтĕрхи авăн уйăхĕн 2-мĕшĕнче çĕрле пулнă преступлени тĕлĕшпе следстви айăплав тăратнă ĕнтĕ. Тăватă çамрăк 55-ри арçын патне килне пынă. Вăл каччăсенчен пĕрин куккăшĕ умĕнче парăма кĕнĕ-мĕн - пĕтĕмпе те 50 тенкĕ кăна, анчах йĕкĕтсем шăпах çав укçана тавăрса пама сĕннĕ. Сăмахпа кăна хистемен - хĕнеме те ÿркенмен. Арçынна урама илсе тухнă, çурт çывăхĕнчи сак çине лартса хăварнă, хăйсем пăрахса кайнă.

Pages