Archive - 28 Çĕртме, 2014 - Хыпар

«Хаçат тăрăх ырра вĕренесчĕ», - тенĕ «Хыпар» никĕслевçи Николай Никольский. Чăн та, пирĕн хушăра хаçат-журнал вулама кăмăллакан сахал мар.

 Çулленех И.Н.Ульянов ячĕллĕ Чăваш патшалăх университетĕнче чи лайăх 100 студента палăртаççĕ. Çак ята общество ĕçне хастар хутшăнакан, вĕренÿре лайăх ĕлкĕрсе пыракан, спортпа туслă яш-кĕрĕмпе хĕр-упраç тивĕçет.

Халăх пултарулăхĕн Пĕтĕм Раççейри "Раççей çăл куçĕсем" фестивалĕ - Республика кунĕн тĕп саманчĕсенчен пĕри.

Çитĕнекен ăрăва çарпа патриотлăх воспитанийĕ парас тĕллевпе пуçарнă «Зарница» тата «Орленок» вăйăсен историйĕ социализм йăл илнĕ тапхăртанах тытăнать.

Чăваш Ен Пуçлăхĕ Михаил Игнатьев ĕнер РФ Правительствин вице-премьерĕ Дмитрий Козак ирттернĕ Пĕтĕм Раççейри селектор канашлăвне хутшăннă. Унта регионсен граждансене юхăннă çуртсенчен куçармалли программисене пурнăçлас, граждансен коммуналлă пулăшу ĕçĕсемшĕн хывакан тÿлевĕсене виçеллĕ тăвас ыйтусене сÿтсе явнă.

Çуллахи каникул вĕçлениччен кун чылай-ха. Кану тапхăрĕнче ачасем вăхăта мĕнле ирттернипе республикăри влаç органĕсем кăсăкланнинчен тĕлĕнме кирлĕ мар эппин.