Archive - 2 Пуш, 2017

2 Пуш, 2017

Вăрлăх туянма та пĕлмелле

Пахчаçимĕç епле пуласси вăрлăхран нумай килет. Мĕнле сорт, унăн пахалăхĕ т.ыт.

Вăрлăх туяннă чухне мĕн пĕлмелле-ха?

1. Кашни хутаç çинче вăрлăх туса кăларакан пĕрлешĕвĕн ятарласа штемпельпе çапни пулмалла. Унта парти номерĕ, вăрлăх виçи, хăçан хатĕрлени курăнмалла. Типографирех йăлтах çапнă хутаç час-часах ултавлă килсе тухать.

2 Пуш, 2017

«Ĕмĕтĕм пурнăçланатех»

Тăххăрмĕш класра вĕренекен Ксения Соколова — çĕршыв патриочĕ. Тăван çĕршыва кашнин хисеплемелле, юратмалла тата унпа мăнаçланмалла тесе шухăшлать вăл. Ксения — шкулти «Паттăр» çарпа патриотлăх клубĕн хастарĕсенчен пĕри.

2 Пуш, 2017

Çыравçăпа - куçа-куçăн

«Писательпе ирттернĕ кун» ярăмпа килĕшÿллĕн республикăри ачасемпе çамрăксен библиотекин таврапĕлÿпе наци литературин уйрăмĕнче Николай Ишентейпе «Пĕрле вулатпăр! Сасăпа вулатпăр!» мероприяти иртрĕ. Вулава Шупашкарти 28-мĕш шкулти 4-мĕш класс ачисем хутшăнчĕç.

2 Пуш, 2017

«Хăвăрт ӳсес килмест»

Чи интересли ачалăхра-çке

Вăл çав тери çивĕч ăслă, кулăш туйăмĕллĕ тата хаваслă арçын ача. Пĕрисем шкултан вĕренсе тухнă вăхăталла та хăйсен чун туртăмне ăнланмаççĕ, вăл вара хăйне мĕн кирлине халех пĕлет, кăмăллакан ĕç тупнишĕн чĕререн савăнать. Кам-ха вăл? Мĕнех, паллашăр.

Даниил Сергеев Шупашкарти 45-мĕш шкулта 6-мĕш «а» класра вĕренет. Вăл журналист та, оператор та, монтажер та, актер та. Çакă йăлтах «Куча мала» ача-пăча медиа центрĕнчен пуçланнă теме юрать.

— Даниил, «Куча малана» мĕн илсе çитерчĕ сана?

— Аталанас, мĕн те пулин çĕннине пĕлес тени. Куратăр ĕнтĕ, хальлĕхе шухăшлани пулса пырать.

2 Пуш, 2017

Ырă çын-и эсĕ?

Тест
Пĕрисем ыттисене яланах пулăшма, кирлĕ пулсан çийĕнчи кĕпине те хывса пама хатĕр, тепринчен вара хĕлле юр та ыйтса илейместĕн. Эсĕ хăшĕсен йышне кĕретĕн-ши? Ыттисене тимлĕх уйăратăн-и? Ырă кăмăллăхпа палăратăн-и? Çак тест шăпах сирĕн ыйтăвăрсене уçăмлатĕ. «Çук» е «çапла» тесе хуравлăр.
1. Кăштах укçа-тенкĕ тупăнсан эсĕ ăна юлташсем валли парне туянса тăкаклатăн.

2 Пуш, 2017

Хĕрлĕ-сарă футболка

Мĕнрен пуçлам-ши? Эпир 5-мĕш класранпа пĕр шкулта вĕренеттĕмĕр, анчах та ăна 11-мĕш класра кăна асăрхарăм. Пĕррехинче шкула юлса çитрĕм. Картлашкасемпе чупса хăпарнă чухне хĕрлĕ-сарă футболка асăрхарăм, ăна тăхăннă каччă çине пăхрăм та вăл: «Салам!» — терĕ. Пĕр-пĕрне паллатпăр-ха, анчах ăна ятран пĕлместĕп.

2 Пуш, 2017

«Çамрăксен хаçачĕ» 8 (6152) №. 2.03.2017

2 Пуш, 2017

«Студентсен отрячĕ» аталанма пулăшать

Нарăс уйăхĕн 17-мĕшĕ — Раççейре студентсен отрячĕсен кунĕ. РФ Президенчĕн Владимир Путинăн 2015 çулта алă пуснă указĕпе килĕшÿллĕн, ăна кăçалхипе иккĕмĕш хут уявланă. Çак юхăм ĕç-хĕлне Чăваш Енри хĕр-упраçпа яш-кĕрĕм те хастар хутшăнать.

2 Пуш, 2017

«Чи вăйлă хаçат»

Николай ТЕВЕТКЕЛ, ЧР искусствăсен тава тивĕçлĕ деятелĕ, поэт, прозаик, драматург:

— «Çамрăксен хаçачĕ» пурнăçпа тан утать. Кăларăмра тĕрлĕ тематикăна çутатаççĕ: лайăх пулăмсене те, çивĕч ыйтусене те. Унта çамрăксен трагедийĕ те пур, вĕсен ăнăçăвĕсем пирки те вуласа пĕлме пулать. Манăн шухăшпа, «Çамрăксен хаçачĕ» Чăваш Республикинче — чи вăйлă хаçат. Унта çĕнĕ авторсен сăвă-калавĕпе, пьесипе паллашма пулать. Вĕсем хăйсен хайлавĕсенче писательсем хальччен хускатман ыйтусене çыраççĕ. Кăларăмра çамрăксен хутшăнăвне те татса параççĕ. «Çамрăксен хаçатĕнче» мана йăлтах килĕшет, унăн кашни номернех вулатăп. Пĕр сăмахпа, кăларăм пурнăçăн тĕрлĕ енне çутатать.

Pages