Кăçалхи çу уйăхĕн 22-мĕшĕнче «Единая Россия» политика партийĕ РФ Патшалăх Думин тата регионсен парламенчĕсен депутачĕсене суйланакан кандидатсен сасăлавне ирттерет. Чылайăшĕ ăна кĕскен «праймериз» тесе палăртать.
Çу уйăхĕн 12-мĕшĕнче ЧР Пуçлăхĕ Михаил Игнатьев Н.Н.Блохин ячĕллĕ Раççей онкологи ăслăлăх центрĕн директорĕн пĕрремĕш заместителĕпе — ача-пăча онкологийĕн тата гематологийĕн наукăпа тĕпчев институчĕн директорĕпе, РАН академикĕпе Мамед Алиев профессорпа тĕл пулнă.
Канмалли кунсенче республикăра улшăнса тăракан пĕлĕтлĕ çанталăк пулать. Паян, çу уйăхĕн 13-мĕшĕнче, кăнтăрла — 13-18, каçхине 3-8 градус ăшă пулать, ирхине тăм ÿкме пултарать, каçхине çумăр çăвать, вырăн-вырăнпа аслати авăтать. Ыран, çу уйăхĕн 14-мĕшĕнче, çумăр çумасть, кăнтăрла — 15-18, каçхине — 2-6 градус ăшă, хăшпĕр вырăнта 1 градус сивĕ пулать. Çу уйăхĕн 15-мĕшĕнче — 5-15 градус ăшă.
Çил çурçĕр-хĕвелтухăç енчен 8-13 метр хăвăртлăхпа вĕрет. Хĕвел ирхине 4 сехет те 19 минутра тухать, каçхине 20 сехет те 33 минутра анать. Кун тăршшĕ — 16 сехет те 14 минут.
2013 çулхи хĕллехи Универсиадăран çĕнтерÿпе таврăннă биатлонисткăна Татьяна Акимовăпа /ун чухне — Семенова/ унăн вĕрентекенне Анатолий Акимова ЧР Правительство çуртĕнче чыслани халĕ те куç умĕнчех-ха. Паян, акă, республика Пуçлăхĕ Михаил Игнатьев пултаруллă спортсменкăпа тренера тепĕр хут йышăнчĕ.
Паян ЧР Министрсен Кабинечĕн Председателĕ Иван Моторин Вăрнар районĕнче тимĕр-бетонран кĕпер тăвас, çурхи культурăсене акас ĕçпе паллашрĕ.
Тĕрĕссипе, пациентсем ăшпиллĕ те ырă чунлă медсестрасене сывалса тухмассерен чĕререн тав тăваççĕ-ха. Паян вара вĕсене тăван тăрăхăн пархатарлă çыннисем ячĕпе Чăваш патшалăх филармонийĕнче пĕтĕм общественноç чысларĕ. Медицина сестрин кунĕ ячĕпе ирттернĕ савăнăçлă мероприятие республика Пуçлăхĕ Михаил Игнатьев, ЧР сывлăх сыхлавĕн министрĕ Алла Самойлова, ЧР Патшалăх Канашĕн Председателĕн заместителĕ, «Единая Россия» партин регионти уйрăмĕн секретарĕ Николай Малов тата ыттисем хутшăнчĕç.
Чăвашла верси
Русская версия
