Патăрьел районĕнчи Сител ял çыннисем хăйсем тăрăшнипе яла пырса кĕнĕ вырăнта «Сител» стелла вырнаçтарнă. Ку ĕçе Первомайски ял тăрăхĕн Депутатсен пухăвĕн депутачĕ Юрий Степанов пуçарăвĕпе йĕркеленĕ.
Ăна чăваш орнаменчĕсемпе илемлетнĕ: пĕр енне ял историне çырнă, тепĕр енне — сăвă йĕркисем.
Шупашкарти Пĕтĕм тĕнчери кинофестиваль — республика культура пурнăçĕнчи паллă пулăм. Акă вун иккĕмĕш фестиваль ĕçе пикенчĕ ĕнтĕ. Шупашкарти кинотеатрсенче, культура учрежденийĕсенче, çавăн пекех районсенчи юлашки çулсенче уçнă çĕнĕ кинозалсенче конкурса тăратнă ĕçсене кăтартаççĕ. Унсăр пуçне ăсталăх класĕсем, тĕлпулусем, пресс-конференцисем, пултарулăх класĕсем иртеççĕ.
Çу уйăхĕн 20-мĕшĕнче Чăваш патшалăх оперăпа балет театрĕнче Шупашкарти Пĕтĕм тĕнчери 12-мĕш кинофестиваль савăнăçлă лару-тăрура уçăлчĕ.
Вырсарникун Мускав урамĕсенче иртнĕ çурма марафон вĕçленнĕ. Унта чăваш çăмăл атлетика шкулĕн спортсменĕсем çĕнтерÿпе палăрнă. Хĕрарăмсенчен финиша чи малтан Олимп вăййисен 2 хут бронза призерĕ Татьяна Архипова çитнĕ. Ăна хатĕрлекенĕ — Михаил Кузнецов тренер.
Паян Чăваш патшалăх оперăпа балет театрĕнче Шупашкарти Пĕтĕм тĕнчери кинофестиваль уçăлĕ. Этника тата регион киновне халалланăскер кăçалхипе 12-мĕш хут иртĕ.
Вырсарникун Улатăр хулинче, икĕ районта тата çичĕ ял тăрăхĕнче вырăнсенчи депутатсен суйлавĕ иртнĕ. ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура сасăлава пĕтĕмлетрĕç.
Çуллахи кунсем çывхарнă май шыв çинчи хăрушсăрлăх ыйтăвĕсем мала тухаççĕ. Граждан оборони тата чрезвычайлă лару-тăру енĕпе ĕçлекен министр Вениамин Петров ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура пĕлтернĕ тăрăх, хальлĕхе республикăра 13 пляж, шыва кĕмелли 42 вырăн йĕркелеме палăртнă. Ун шучĕпе, ку питĕ сахал, кашни ял тăрăхĕнчех çавнашкал вырăнсем пулмалла.
Районсенчен ытларахăшĕнче çуракине вĕçленĕ. Тата пилĕк теçетке ытларах хуçалăхра кăна ĕçсем малалла пыраççĕ. Çакăн çинчен ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура ял хуçалăх министрĕ Сергей Артамонов пĕлтерчĕ.
Ĕç рынокĕнчи лару-тăрăва эрнесерен тишкерекен кăтартусем тăрăх, хăйсене «ĕçсĕр» тесе 4735 çын палăртнă.
Чăвашла верси
Русская версия
