Хăнасем

«Тетте» - тĕрлĕ тĕслĕ, интереслĕ журнал кăна мар иккен. Вăл – чĕрĕ: вылять, кулать, чупать, ачасене ыталаса савăнтарать, пуçран ачашлать. Çакна паян Шупашкарти 156-мĕш ача сачĕн шăпăрланĕсем редакцире хăйсем курса ĕненчĕç.

Алина Ларшникова редактор пĕчĕк хăнасене кăмăллăн кĕтсе илчĕ, журнал историйĕпе паллаштарчĕ, унта мĕнле пичетленме май пуррине ăнлантарчĕ.

Паян, çурла уйăхĕн 3-мĕшĕнче, Красноармейски районĕнчи «Красное Сормово» хуçалăхра Китайри делегаци пулнă. Унтан вăл Вăрнар районне тухса кайнă.  Республикăн Ял хуçалăх министерствинче пĕлтернĕ тăрăх, ыран ушкăн Пăрачкав районне çитĕ.

“Çирĕм çул каялла...” “Хыпар” çемйипе тĕл пулнă май аякри Мурманск тăрăхĕнчен килнĕ хăнасем çак сăмахсене çине-çинех каларĕç. Çирĕм çул каяллахи пĕлтерĕшлĕ мĕнле пулăм юлнă-ха вĕсен асĕнче?

Чăваш чĕлхи тĕрĕк чĕлхисен ушкăнне кĕнĕрен тăванла халăх çыннисемпе тĕл пуласси тахçанах йăлана кĕнĕ. Пирĕн пата турккă ăсчахĕсем, çыравçисем, культура ытти ĕçченĕ килнине хăнăхнă пулăм пекех йышăнма пуçларăмăр. Ентешĕмĕрсем те Турцире хăнара пулма килĕштереççĕ. Çакă мĕнпе çыхăннине филологи наукисен докторĕ Николай Егоров профессор сăмахĕсенчен аван тĕшмĕртме пулать: «Чăвашсене турккăсем тĕрĕк ытти пур халăхĕнчен ытларах юратаççĕ пулас».

Subscribe to Хăнасем