Паян Шупашкарта Раççeй пушар хуралне туса хунăранпа 370 çул çитнине халалласа савăнăçлă мероприяти иртрĕ. Чăваш Ен Пуçлăxĕ Михаил Игнатьев республикăри МЧС ĕçченĕсене уяв ячĕпе саламларĕ.
Ăнăçусем пур — вĕсене аталантармалла, çав вăхăтрах çитменлĕхсем те çук мар — вĕсене сирес енĕпе пурин те пĕр тĕллевлĕ пулса ĕçлемелле. Çапларах палăртмалла-тăр ЧР Пуçлăхĕ Михаил Игнатьев паян Патшалăх Канашĕн сессийĕнче Министрсен Кабинечĕн 2018 çулхи ĕçĕ çинчен тунă отчетăн тĕшшине.
Ака уйăхĕн 30-мĕшĕнче çĕршыври вут-çулăмпа кĕрешекенсем хăйсен професси уявне — Пушар хуралĕн кунне — паллă тăваççĕ. Раççей пушар хуралне туса хунăранпа кăçал 370 çул çитрĕ. Çак юбилее халалласа паян Шупашкарти Хĕрлĕ тÿремре Хăрушсăрлăх кунĕ иртрĕ.
Çак кунсенче Братскри 18-мĕш вăтам шкулти 2-мĕш классем наци культурисен фестивалĕнче чăваш халăхĕн культури çинчен каласа кăтартнă, наци апат-çимĕçĕпе хăналанă.
Алушта хулинче ухăран перессипе Раççей первенстви вĕçленнĕ. Ăмăртăва Раççейĕн 33 регионĕнчи 311 çамрăк спортсмен хутшăннă. Чăваш Ен чысне чи вăйлă 10 ухăçă хÿтĕленĕ.
ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе паян ирттернĕ канашлу культура министрĕ Константин Яковлев пурне те кинотеатрсене йыхравланипе вĕçленчĕ.
ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен планеркăра ЧР Пуçлăхĕн Администрацийĕн ертÿçи Юрий Васильев çу уйăхĕн 1-мĕшĕнче «Пĕрлĕхлĕ Раççей» партипе профсоюзсем пĕрле йĕркелекен мероприятисемсĕр пуçне ытти парти те митингсем ирттерессине палăртрĕ: коммунистсем, эсерсем…
ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен планеркăра çулсен строительствипе юсавĕн ыйтăвĕпе транспорт министрĕн тивĕçĕсене вăхăтлăх пурнăçлакан Евгений Павлов сăмах илчĕ.
Ачасен çуллахи каникулĕччен вăхăт нумай та юлмарĕ. Çавна май ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттеркен планеркăра вĕсен çуллахи канăвне йĕркелессине тĕп ыйтусен шутĕнче сÿтсе явни ăнсăртран мар.
Михаил Игнатьев палăрнă тăрăх, çак ĕçе йĕркелемелли пĕтĕмĕшле бюджет кăçал 500 миллион тенкĕпе танлашĕ. Тĕрлĕ лагерьте, çав шутра шкулсен çумĕнчи çуллахи лагерьсенче 102 пин ача канĕ.
Хусанти "Штаб" креатив индустрийĕсен резиденцийĕнче ĕнер Атӑлпа Кама хушшинчи хуласенчен килнĕ хӑнасем пуҫтарӑннӑ. Вĕсем чĕлхе пуҫарӑвĕсемпе паллаштарнă.
Тĕрлĕ регионти спикерсем чĕлхене сарас тĕлĕшпе мĕнле ҫĕнĕ майсем тупни пирки каласа кӑтартаҫҫĕ. ИТ-сервисра, Википедире, ҫĕнĕ кĕнекесем кӑларса, вун-вун майпа чĕлхене аталантарас тĕлĕшпе опычĕпе пайлашаҫҫĕ. Унта чӑваш делегацийĕ те хутшӑннă, ҫав шутра - "Хыпар" издательство çурчĕн" "Ҫамрӑксен хаҫачĕн" редакторĕ Алина Изман.
Чăвашла верси
Русская версия
