Ĕнер Шупашкарти Гузовский вăрманĕнчи экстремаллă спорт тĕсĕсен «Простопарк» центрĕнче «Раççей ачисем» оперативлă профилактика операцийĕпе килĕшÿллĕн «Ахаль кун» спортпа профилактика мероприятийĕ иртрĕ.
ЧР ял хуçалăх министрĕн заместителĕ Марина Загребаева паян журналистсемпе тĕл пулчĕ, агрострахлав проблемисемпе тата 2019 çулхи тĕп улшăнăвĕсемпе паллаштарчĕ.
Чăваш Республикин Патшалăх Канашне йĕркеленĕренпе кăçал 25 çул çитет. Паллă çак пулăма халалласа паян парламентарисем тата ветерансем Шупашкарти Президент бульварĕнче йывăç лартрĕç.
Паян Чăваш патшалăх университетĕнче "Культурăпа кану хутшăнăвĕсене тата спорт мероприятийĕсене нормăпа право тĕлĕшĕнчен йĕркелесси" темăпа пĕтĕм тĕнчери наукăпа практика конференцийĕ иртрĕ.
Çуркунне çанталăк ăшăтма пуçласанах пушар тăтăшрах алхасма тытăнать. Сăлтавĕ — çынсем хăйсен сад-пахчине тасатнă чухне типĕ курăка, ытти çÿп-çапа çунтарни. Шел, хăшĕсем çак ĕçе тунă чухне тимлĕх пирки манаççĕ.
Паллах, эсир пирĕн чĕрĕ «Тетте» çинчен пурте пĕлетĕр, тăтăшах вулатăр. Вăл та Чăваш чĕлхи кунне паллă турĕ паян. Ача-пăча кăларăмĕсен редакторĕ Лена Атаманова тата Валентина Селенина корреспондент Шупашкарти 49-мĕш шкулта пулчĕç. «Тетте» вĕсенчен юлмарĕ.
«Тинех çитрĕ çак самант, паян çырăпăр диктант. Тĕрĕслер-ха хамăра, пĕрлĕхре — вăй. Утăрья», — «Пĕтĕм чăваш диктантне» халалласа çапла çырнă Алена Иванова.
Чăваш чĕлхин кунне кăçалхипе 27-мĕш хут уявларăмăр. Кашни çулăн хăйĕн евĕрлĕхĕ пур. Иртнĕ çул çавра датăпа, Иван Яковлев çуралнăранпа 170 çул çитнипе, палăрса юлчĕ. Çавăнпа ăна сумлăрах паллă тунăн туйăнчĕ. Кăçал та шкулсемпе культура учрежденийĕсенче вун-вун мероприяти, савăнăçлă уявсем, тĕлпулусем йĕркеленĕ. Йăлана кĕнĕ «Анлăн янăра, чăваш чĕлхи!» митинг-уяв яланхи пекех Аслă вĕрентекенĕн тĕп хулари палăкĕ умĕнче иртрĕ.
Министрсен Кабинечĕн паянхи ларăвне ЧР Пуçлăхĕ Михаил Игнатьев хăй тин çеç алă пуснă икĕ указ çинчен пĕлтернинчен пуçларĕ. Пĕри — çамрăк мăшăрсене сертфикат парасси çинчен. Ача çуратайман çемьесем йышлă — çак документ çамрăксене шăпах ку енĕпе медучрежденисенче тÿлевсĕр майпа тĕрĕсленме май парĕ. Тепĕр указ — Чăваш Ен территорийĕнче çуралнă Раççей Геройĕсене Аслă Çĕнтерÿ кунĕ тĕлне çуллен укçан хавхалантарасси çинчен. Тÿлев виçи 120 пин тенкĕпе танлашĕ.
ЧР Культура министерствин пуçарăвĕпе Наци библиотеки, ЧР Профессионал писательсен союзĕпе Чăваш кĕнеке издательстви çулленех «Чăваш Ен литератури: çулталăкри чи нумай вуланакан кĕнеке» конкурс ирттерет.
Чăвашла верси
Русская версия
