Archive - 2014 - Тантăш

Шупашкарти 188-мĕш ача сачĕ 57-мĕш çул ĕнтĕ хаваслă ача-пăча сассипе янăрать. Кунта çÿрекенсене питĕ юратать вăл, хÿтĕлет тата ачашласа ÿстерет! Кунта шăпăрлансем воспитани илеççĕ çеç мар, сывлăхне те çирĕплетеççĕ.

Пĕрремĕш класа Хыркасси шкулне çÿренĕ Костя Семенов иккĕмĕшне Мăн Сĕнтĕре кайĕ. Мĕншĕн-и? Унта ÿнер шкулĕ пур-çке. Арçын ача вара çут тĕнчене хăй евĕр курса çак сăнсене ÿкерсе кăтартма кăмăллать. Тин çеç аталанса пыракан ăсталăхне пысăклатма ĕмĕтленет вăл. Тен, часах хут çинчи машинисем те чĕрĕ пек курăнĕç?

Кашни кун çывăрса тăрсанах пĕр-пĕрин патне васкать тăватă тус: Диана Павлова, Марина Григорьева, Ксения Ильина, Алексей Петров. Паян та вĕсем хăйсен юратнă вырăнĕнчех тĕл пулчĕç.

Яланхиллех ир-ирех вăранчĕ Захар Никифорович. Унтан çывăракан ывăлĕ патне пырса уринчен кăтăкларĕ.

– Санька, атя, тăр! Пулла каймалла! Эсĕ пуçтарăнса çитиччен ăмансене хатĕрлем-ха, пĕчĕк витрепе хутаçа та куç умнех хурас, – тесе картишелле тухса кайрĕ.

Пултаруллă чăваш ачисем Тутарстанра та сахал мар. Аксу районĕнчи Кивĕ Саврăш ялĕнче маттур та хастар ача нумаййи ку тăрăхра чăвашлăх туйăмĕ сÿнмессе пĕлтерет. Çавăн пек ачасенчен пĕри – улттăмĕш класа кайма хатĕрленекен Ольга Абросимова.

«Атăлпа Урал хушшинче» проект Чăваш Республикин Информаци политикин тата массăллă коммуникацисен министерстви пулăшнипе пурнăçланать

Çак хĕр ачан ятне яланлăхах Белоруссири В. И. Ленин ячĕллĕ пионер организацин Хисеп кĕнекине кĕртнĕ. Минскра, Тăван çĕр-шывăн Аслă вăрçине халалланă музейĕн пĕр залĕнче унăн портретне вырнаçтарнă.

Паян каникул пулин те Настя Ефремова шкула кайса килме шухăш тытрĕ. Ара, чуна çывăххи тем те пур-çке унта! Юратнă классемпе коридорсем, пысăк библиотека, столовăй, спортзал тата юратнă педагогсем. Чÿрече янахĕ çинче ларакан чечекĕсем те куçа илĕртеççĕ.

Çăмăл атлетика енĕпе вăл Чăваш Енре темиçе хутчен те чемпион ята тивĕçнĕ, Раççей призерĕсен шутне кĕнĕ. Хĕрлĕ Чутай районĕнчи Тихăнушкăнь ялĕн маттур ывăлĕ Владимир Долгов хăйĕн умне тĕллев лартсан ăна пурнăçлатех. Ăмăртăва тухсан: "Пур пĕрех çĕнтерĕп!" - тесе калать те пуринчен те хытăрах чупса финиша пĕрремĕш çитет.

Ачасем, Самар тăрăхне çитсе килер-и? Унта сирĕн пултаруллă та маттур тантăшăр сахал мар. Хальхинче Шунтал районĕнчи Аксаку ялĕнчи Дима Мясниковпа паллашăпăр.