Archive - Хресчен сасси

Çĕр улмине им-çамламалли «Престиж» препарат уссипе сиенĕ çинчен çырса пĕлтерсемĕр, тархасшăн. Тем пекех тав тунă пулăттăм.

Валентина Алексеева. Комсомольски районĕ, Комсомольски.

Питĕ хытă тарлатăп. Лавккана кайса килетĕп – йĕп-йĕпе, картишне тухса сурăхсене апатлантарса кĕретĕп – каллех йĕпе. Çав хушăрах хамăн мĕн ыратнине те пĕлместĕп. Мĕнле чир-ши манăн?

Юлия Николаева. Вăрмар районĕ.

Сыпăсем сурсан. Çур литр банкине 1 стакан кĕвелĕк тата туличчен ыраш çăкăрĕ тĕпретсе ямалла. Çакăн хыççăн кĕленчене 1 чей кашăкĕ апат соди хушса хупламасăрах 5 сехетлĕхе ăшă вырăна лартмалла. Кайран хутăша марля витĕр сăрăхтармалла. Марльăна хайхи шĕвекпе йĕпетсе ыратакан вырăна хумалла.

Çурхи ака Чăваш Енри патшалăх техника сăнавĕн инспекцийĕн ĕçченĕсене хăйсен професси уявĕ çинчен вăрах калаçтармарĕ. Иртнĕ эрне кун Çĕрпÿ районĕнчи "Авангард" – "Çĕрпÿ беконĕ" пĕрлешÿре иртнĕ семинар-канашлура вĕсем кулленхи ĕç-пуçа тишкерсе хакларĕç, çĕнĕ тĕллевсем палăртрĕç.

Çĕрпĕве пырса кĕнĕ çĕрте пысăк стелла вырнаçтарнă. Машинăпа иртекенĕн ăна тимлĕрех пăхса хаклама вăхăт çук. Çуран çÿрекен ун тăватă енĕнчи çын кĕлеткисене асăрхатех. Розов архитектор шухăшне каярах ăнланса илетĕн: çăкăр-тăварпа кĕтсе илекенни пирĕн ăш-пиллĕхпе тараватлăха палăртать, мăлатукпа тăраканни - чăваш ÿркенменлĕхĕпе ĕçченлĕхне, ача тытни - ăру управлăхне, кĕнекене алăран яманни ăс-хакăлпа культура пуянлăхне сăнлать. Епле тарăн пĕлтерĕшлĕ монумент, район çыннисем пурнăçăн пур енĕпе ÿсĕмлĕ утăмсем тума тăрăшнине туятăн.

Халĕ ачасен мопедпа та, скутерпа та хăйсем тĕллĕн çÿреме юраманнине илтнĕччĕ. Чăнах-ши?

Любовь Васильева.

Муркаш районĕ, Оринин.

"Касури çак вăтăр ĕне хамăн пулсан-и?.. Мĕн чухлĕ укçа тăвăттăм", - выльăх хыççăн пушшине çаптарса утнă май шухăшланă ялти шкулта вĕренекен арçын ача. Унтанпа сахал мар шыв-шур юхса иртнĕ, самани те улшăннă. Халĕ вăл хăй мăнуксемлĕ пулса аслашшĕ ята илтнĕ. Тинех хăйĕн ĕне кĕтĕвне йĕркелесе янă. Пĕчĕк чухне ăна ялта Çеркей тенĕ пулсан, паян - Сергей Викторович Рожков. 1992 çултанпа - фермер.

Юрă - халăх пуянлăхĕ. Пин-пин юрă янăрать çĕр çинче.

Харăсах темиçе кредит тÿлеççĕ вĕсем. Кил умĕнче ларакан техникăна пĕтĕмпех выльăх-чĕрлĕх ÿстерсе тата кредит укçипе туяннă. Картиш тулли ĕне выльăх. Тин пăруланинчен пуçласа аш валли ÿссе çитĕнни таранах. Пурне те пăхмалла, пурне те апатлантармалла.

Чиркÿ çынсене паракан пулăшу мĕншĕн пĕтĕмпех укçалла? Çурта е тĕн кĕнекине сутнине ăнланатăп-ха, анчах венчет тăвассипе тĕне кĕртесси, вилнĕ çынна кĕлĕ туса юлашки çула ăсатасси укçалла пулмалла мар пек туйăнать.

Мария Ивановна. Шупашкар районĕ.

Муркаш районĕнчи Мăн Сĕнтĕр чиркĕвĕн настоятелĕ Игнатий атте (Суранов) хуравлать: