Archive - Хресчен сасси

Çуран çÿретпĕр-и е автомашинăпа – таçта васкатпăр. Унта е кунта хăвăртрах çитес тесе умри тункатана та асăрхамастпăр. Пĕр-пĕр çĕре пырса тăрăнсан çеç "чавса çывăх та çыртма çук" текен каларăша аса илетпĕр. Васкани вилĕм патне илсе çитерсен хурланса макăратпăр, кулянатпăр. Çын инкекĕ чуна витермелле, ăс памалла, асăрханулăх çинчен аса илтермелле. Хальлĕхе ун пек йăлана хăнăхаймастпăр. Чукун çул урлă каçнă чухне çав-çавах тимсĕр, йĕркене пăхăнмастпăр, транспорта ÿсĕрле тытса пыратпăр. Çакна пула чукун çул урлă каçмалли вырăнсенче пĕлтĕр виçĕ инкек пулнине вулакансене пĕлтернĕччĕ.

Кашни кăларăмра тенĕ пек вулакансене хаçат-журнал çырăнмаллине аса илтеретпĕр. Пĕр çур çула ирттерсе яратпăр кăна теприншĕн пăшăрханма пуçлатпăр: информаципе технологи ĕмĕрĕнче – Интернет тыткăнĕнче – пурăнатпăр-çке. Компьютера ярса пĕр сăмах çеç пичетле – вун-вун хыпар сиксе тухать.

Хĕл каçипе саппаслăх хатĕрленĕ апат самаях йăшать.

Çуркунне кайăк-кĕшĕк рационне кăшман, кишĕр, çĕр улми, купăста çулçи, хырпа чăрăш лăсси кĕртмелле.

Пирĕн йăхра ват хăмпинче чул пухăннипе нушаланакансем пур. Мĕншĕн пухăнать-ши вăл; Инкек ан çыпăçтăр тесен мĕн тумалла?

Тамара Сергеева. Куславкка.

Тăвансем хушшинче çак чирпе чирлекенсем пулсан пушшех асăрханмалла. Чи малтанах иммунитета çирĕплетмелле, апат ирĕлтерекен орган сывă пултăр тесе тăрăшмалла. Пыршăлăхри бактерисем ват хăмпине лексе шыçă пуçарма «холецистит» пултараççĕ.

Вăхăт çитмесĕр ватăлас мар, ăспа-тăнпах çÿрес тесен пуç мимине тăтăшах ĕçлеттермелле. Мĕнле майпа-и; Кăсăклă кĕнеке вуланинчен пуçласа пуç ватмăшсен тупсăмне шырани, ют чĕлхе вĕренни таранах. Çаксем тимлĕхе ÿстернипе пĕрлех ас тăвăма лайăхлатма, пуç мимине çирĕплетме кирлĕ. Ку таранччен çÿç турине сылтăм алăпа тытнă пулсан халĕ сулахаййипе тураса пăхăр. Шăл тасатнă чух та çаплах тăвăр. Паллах, çăмăлах пулмĕ, анчах ку таранччен пăлахая пенĕ пуç мимин иккĕмĕш çуррине те ĕçлеттерни хăвăршăн çеç усăллăрах пулĕ.

«Алăксăр, кантăксăр витесене курсан шикленсе каялла чакас шухăш пулмарĕ-и?» – кăсăкланса ыйтрăм «Энтепе» тулли мар яваплă обществăн ертÿçинчен Андрей Васильевран. «Эпĕ ял ачи-çке. Ку тăрăхрах çуралса ÿснĕ. Пĕчĕкренех ĕçпе пиçĕхнĕ. Çавăнпа та шикленес туйăм пĕрре те пулмарĕ», – терĕ вăл иккĕленмесĕр.

Петров, Михайлов тата ыттисем...

Çамрăк сиплевçĕсене кĕтсе илме хатĕр-и эпир?

Ячĕ пур та палли çук

Çапла вăл çул пĕлмесен: пĕр çĕре çитес тетĕн те пач урăх вырăна сиксе тухатăн. Сĕнтĕрвăрри районĕнче Вăрни ялне çитес вырăнне Лапри Упакассине лекрĕмĕр. Çакна ял çыннипе калаçса кайсан тин чухларăмăр. Ял ятне палăртакан паллă çук та ăçтан пĕлĕн? Сăрт айлăмĕнче, Çавал шывĕ хĕрринчех вырнаçнăскер такамран пытаннă тейĕн. Ял ятне палăртакан юпана лартма килнĕ çын та, тен, ăна шыраса тупайман.

"Виç сăмах та пулин çыр"