Специалист канашĕ

Çураки çывхарса килет. Çавна май хресченĕн ĕç палăрмаллах хушăнать. Тухăç çĕр пулăхĕнчен, технологие пăхăнса вăй хунинчен нумай килет. Хуçалăхсенче выльăх йышĕ чакса пынă май лаптăкра удобренипе ытларах усă курма тытăнчĕç. Анчах ăна та виçине пĕлсе хывмалла: сахалли те, ытлашши те тухăçа палăрмаллах чакарать.

Çу кунĕсем çитиччен вăхăт пур-ха. Организм вара витаминсем çитменнине систерет. Иммунитета çирĕплетмелле. Шăнтса хунă çĕр çĕрли, чие, хурлăхан пулсан мĕнле аван! Организма çирĕплетме аптекăра сутакан сиплĕ курăксем те пулăшаççĕ.

Шалфей курăкĕпе

Вĕреме кĕнĕ 1 л шыва 3-4 кашăк шалфей курăкĕ ярса «шыв мунчинче» 15 минута яхăн тытмалла. Сăрăхтармалла, сивĕтмелле, кашни 2 сехетрен темиçешер сыпкăм ĕçмелле.

Çак хатĕр иммунитета çирĕплетнисĕр пуçне шăнса пăсăлнинчен сывалма та пулăшать.

Тутлă шăршăллă эмел

Мария ОРЛОВА

Хисеплĕ редакци! Сирĕн хаçатра усăллă канаш яланах тупма пулать. Манăн та ыйту пур. Пирĕн хĕр кăçал институт пĕтерет. Вăл куçăн мар майпа пĕлÿ пухать, çав вăхăтрах хулари пĕр лавккара вăй хурать. Унта вăл 2010 çултанпа ĕçлет. Манăн шухăшпа, вĕренекен ачана сесси вăхăтĕнче отпуск илсен те тÿлемелле. Эпĕ çакăн пирки пĕр хаçатра тахçан вуланăччĕ. Анчах халĕ ĕç паракансем çав отпуска хăйсен шучĕпе кăна параççĕ. Пирĕн ача та сесси вăхăтĕнче çулталăкра икĕ хут отпуск илет, ăна уншăн тÿлемеççĕ. Организаци çапла хăтланса тĕрĕсех тăвать-ши?

Çуркунне çитсен урологсем патне черет вăрăмланать. Хĕрарăмсене шăк хăмпи шыççи канăçсăрлантарма тытăнать. Цистит сунас мар, хăй тĕллĕн иртмест.

Специалистсен шучĕпе цистит пыршăлăх вирусĕ лекнипе пуçланать. Çын шăнсанах бактерисем харсăрланса каяççĕ. Хĕрарăмсен шăк çулĕ кĕске те сарлака. Çавăнпа бактерисем унта çăмăллăнах лекеççĕ.

Дмитрий Бубновский

Вăхăт çитмесĕр ватăлас мар, ăспа-тăнпах çÿрес тесен пуç мимине тăтăшах ĕçлеттермелле. Мĕнле майпа-и; Кăсăклă кĕнеке вуланинчен пуçласа пуç ватмăшсен тупсăмне шырани, ют чĕлхе вĕренни таранах. Çаксем тимлĕхе ÿстернипе пĕрлех ас тăвăма лайăхлатма, пуç мимине çирĕплетме кирлĕ. Ку таранччен çÿç турине сылтăм алăпа тытнă пулсан халĕ сулахаййипе тураса пăхăр. Шăл тасатнă чух та çаплах тăвăр. Паллах, çăмăлах пулмĕ, анчах ку таранччен пăлахая пенĕ пуç мимин иккĕмĕш çуррине те ĕçлеттерни хăвăршăн çеç усăллăрах пулĕ.

Pages

Subscribe to Специалист канашĕ