Archive - Утă 2015 - Хыпар

Килти хуçалăхсем сутакан сĕтшĕн сахалрах тÿлес тесе продукци пуçтаракансем темле сăлтав та тупаççĕ. Июнĕн 25-мĕшĕнче Вăрмар районĕнчи Тикашсене: "Сирĕн сĕте завод лабораторийĕнче тĕрĕсленĕ те антибиотик тупса палăртнă. Çавăнпа кашни литршăн 8 тенкĕ çеç тÿлетпĕр", - терĕç. Ĕне усракансем вĕсен сăмахне ĕненмерĕç, сĕтре ингредиент тупнине çирĕплетмешкĕн пахалăх документне кăтартма ыйтрĕç. Анчах лешсем калаçмарĕç те.

Çу - ĕнесем сĕт лайăх антаракан тапхăр. Килти хуçалăхсенчен нумайăшĕ тупăш илессишĕн ытлашшине сутать. Çавăнпа сутлăх хак - пысăк пĕлтерĕшлĕ. Çынсем вăл кÿршĕ ял тăрăхĕнче, районсенче мĕнлереххине пĕлесшĕн. Килти хуçалăхсене кăсăклантарнине кура "Хыпар" унпа тăтăшах паллаштарать.

Чăваш Ен спортсменкине Анжелика Сидоровăна командăсен чемпионачĕн лидерĕсен йышне кĕртнĕччĕ. Чăн та, вăл маттур пулнине ĕнентерчĕ: Раççей командин пухмачне 11 очкопа пуянлатрĕ. Шăчăпа сикекенсен турнирĕнче вăл Германи хĕрне кăшт кăна выляса ярса иккĕмĕш вырăн йышăнчĕ.

Çак кунсенче спортпа туслисемпе сывă пурнăç йĕркине тытса пыракансем чун каничченех рехетленчĕç ахăртнех. Епле-ха унсăрăн: республикăри тĕрлĕ район-хулара вун-вун спорт мероприятийĕ иртрĕ.

Олимп кунĕ

ЧР Пуçлăхĕ Эколог кунĕччен /июнĕн 5-мĕшĕ/ Указ кăларса Чăваш патшалăх университечĕн çутçанталăк пуянлăхĕпе усă курассин тата геоэкологи кафедрин профессорне Федор Карягина "Чăваш Республикин тава тивĕçлĕ экологĕ" хисеплĕ ята пама йышăнчĕ. Ăна пĕлтĕр туса хучĕç, Федор Александрович пĕрремĕш тивĕçрĕ.

Июнĕн 27-мĕшĕнче Тутарстан Республикин Нурлат хулинче пĕтĕм чăвашсен Уявĕ иртрĕ. Унта Чăваш Енри, Тутарстанри, Пушкăртстанри, Чĕмпĕр, Свердловск облаçĕсенчи, Мускаври, Питĕрти, Иркутскри, Ĕпхÿри 100 яхăн фольклор ушкăн килсе çитрĕ.

Республикăри ачасен клиника больницин сурдологи центрĕн заведующине, сурдолог-оториноларингологне Галина Васильевăна çак кунсенче ĕçри ÿсĕмсемшĕн Чăваш Республикин тава тивĕçлĕ врачĕн ятне панă. Аслă квалификаци категориллĕ тухтăр ачасене сиплес енĕпе пысăк опыт пухнă.

Пÿрене хăйăртан хĕвелçаврăнăш тымарĕпе тасатни чулсем пулса каясран хÿ-тĕленме пулăшать теççĕ. Рецептне çырса кăтартсан аванччĕ.

И. ВАСИЛЬЕВ.

Вăрмар районĕ.

1 стакан тымара 3 литр шыва ямалла, 7-10 минут вĕретмелле. Сивĕнсен сăрăхтармалла, тымарне пăрахмалла мар. Шĕвеке кунне 5-6 хут апатчен 30 минут маларах 1-ер стакан ĕçмелле. Курс - 2-3 кун.