Архив - Июл 2015 - Хыпар

Ачаш кулăш - халăх кăмăлĕн чи сисĕмлĕ палăрăмĕ. Чĕлхе çинче кулăш пулсан иккĕленмелли çук - пурнăç малаллах шăвать.

Фермерăн алли хура та, çăкăрĕ - шурă

Электротехника кластерĕн предприятийĕсене йывăрлăхсем хăратмаççĕ

Суйлав иккĕмĕш тапхăра кĕрет

Лява Платунĕн инкеклĕ шăпи

Хуран куклипе, хĕр сăри ташшипе асра юлĕ «Эткер»

Чăрмавсен каçалăкĕ

Çемье тени "ăшă кил" ăнлавпа пĕр килсен...

Рита АРТИ. Куçăхнă телей.

Людмила Петровна Краснова. Профессийĕпе - фермер. Тĕпрен илсен, вăрлăх сухан ÿстерессипе ĕçлет. 1965 çулта Патăрьел районĕнчи Çĕнĕ Ахпÿртре çуралнă. Вăтам шкул пĕтерсе аттестат илсенех колхоз уйне ĕçе тухнă. Каярах ăна аппăшĕ Галина хăй патне райпона илсе кайнă.

Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев Шупашкарти электротехника кластерĕн икĕ предприятийĕнче - «Каскад» наукăпа производство пĕрлешĕвĕ» АОра тата «Г.А.Ильенко ячĕллĕ «ЭЛАРА» наукăпа производство комплексĕ» АУОра - пулчĕ, вĕсем экономик

Чăваш Республикин Пуçлăхĕн тата вырăнти хăйтытăмлăх органĕсен ертÿçисемпе депутачĕсен суйлавĕн пĕрремĕш тапхăрĕ - суйлава хутшăнма ирĕк паракан документсене пухасси, вĕсене тишкересси тата кандидатсене регистрацилесси - вĕçленчĕ. Тĕрĕссипе, вырăнти влаçа кĕме хатĕрленекенсен кăштах вăхăт пур-ха: документсене вĕсенчен август уйăхĕн виççĕмĕшĕччен йышăнаççĕ. Яваплă тапхăрăн малтанхи хĕрÿ вăхăчĕ мĕнле иртнипе халăха паллаштарас тĕллевпе Чăваш Республикин Тĕп суйлав комиссийĕн председателĕ Александр Цветков республикăри массăллă информаци хатĕрĕсенче тăрăшакансене пресс-конференцие пухрĕ.

Вулакана каласа парас текен çын Вăрнар районĕнчи Хăмăш ялĕнче 1892 çулта çуралнă. Унăн несĕлĕ - тĕне кĕмен чăваш Савар - хăйĕн çуртне кунта 300 çул каялла туса лартнă. Ачисем, мăнукĕсем унтах çуралса ÿснĕ.

Раççейĕн тĕрлĕ кĕтесĕнче пурăнакан пултаруллă чăваш ачисемшĕн «Эткер» лагерь çуллахи канăвне ирттермелли чи юратнă вырăн пулса тăчĕ. Кăçал вуннăмĕш хут уçăлчĕ Чăваш Республикин Вĕренÿпе çамрăксен политикин министерстви тата Наци вĕренÿ центрĕ пуçарнипе йĕркеленекен смена.

Кунта çирĕп йĕрке: парашютпа пурте сикеççĕ. Полк командирĕнчен пуçласа рота писарĕ таранах. Полк штабĕн пуçлăхĕ те сикет, начфин, клубри киномеханикпа почтальон та, çуллахи бассейн хуçи, телефонист, склад заведующийĕ, полк гимнĕн авторĕ, медсанбат пуçлăхĕ Полищук майор та. Повар юлать-и вара? Кăнтăр апачĕ пурпĕр палăртнă вăхăтра пулать!..

- Анне, кунпа эпĕ пирĕшти пекех! - çĕнĕ кĕпепе киленсе тĕкĕр умĕнче лĕпĕш евĕр вăрр! çавăрăнать вуннăри Алена.

Калав