Архив - Июл 2015 - Хыпар

Вĕллесене çăвĕпех пĕр вырăнта тытсан хуртсем пур чухне те пыл пуçтарса ĕлкĕреймеççĕ. Сад, улăх-çаран чечеке ларнă чухне пыл хурчĕсене йĕркеллĕ ĕçлеме условисем туса памалла. Унсăрăн вĕсем пыл пуçтармаççĕ, çăвăр яраççĕ.

Хĕлле нумайăшĕ пуховик тăхăнса çÿрет. Вăл çăмăл, ăшă, илемлĕ. Анчах ăна мĕнле çумалла? Яланах химчисткăра тасаттарни те хака ларать. Çавăнпа нумайăшĕ килтех çума тăрăшать. Çунана çулла хатĕрлеме хушнă. Апла тумтире çанталăк ăшă тăнă вăхăтра çуса типĕтме аван.

Час-часах пуховик çинчи ярлăкра машинăпа, алăпа çума юраманнине асăрхаттараççĕ. Анчах çакă ниме те пĕлтермест.

Юн пусăмĕ ÿснипе аптракансен эмел курăкĕсем çинчен те манмалла мар. Вĕсем ăна чакарма пулăшаççĕ.

Хура пăрăçа техĕмлĕхсен патши теççĕ. Индире унпа тĕрлĕ чиртен хÿтĕленме тата сипленме авалах питĕ анлă усă курнă.

Пăрăçпа унăн препарачĕсем - шыççа, микробсене, паразитсене хирĕçле витĕмлĕ. Вĕсем юн юхăмне вăйлатаççĕ, юна шĕветеççĕ, юн çаврăнăшне лайăхлатаççĕ, апат ирĕлтерекен тытăм ĕçне йĕркелеççĕ, çу клеткисене аркатса кĕлетке виçине чакарма пулăшаççĕ, организмран наркăмăшсене кăлараççĕ.

Пÿре, чĕре, юн тымарĕсем чирлĕ чухне ÿт тăртансан арпус хуппи шăк хăвалама питĕ витĕмлĕ пулăшать. Вăл подагрăпа, самăрлăхпа, гипертонипе аптранă чухне те усăллă.

Сулахай хул калакĕ айĕнче ыратнин сăлтавĕ чылай. Тĕрлĕ настойкăпа сăтăрни, массаж пулăшмасан ку мĕнле те пулин йывăр чир палли пулма пултарать.

1. Сулахай хул калакĕ айĕнче чĕре сывă мар пулсан канăçсăрлантарма пултарать. Тен, ку миокард инфаркчĕ е аритми аталанас хăрушлăх пурри çинчен асăрхаттарать. Çак тĕслĕхре юн тымарĕсене саракан препаратсем ĕçни те пулăшмасть, ыратни мăйпа сулахай алла та куçать. Кирек мĕнле сăлтава пула пăлхансан та приступ пуçланма пултарать.

Чăваш хĕрĕсемпе каччисене Олимпиада та кĕтсе илтĕр!

Нумаях пулмасть Кăнтăр Корейăри Кванджу хулинче Пĕтĕм тĕнчери XXVIII çуллахи Универсиада иртрĕ. Раççейĕн пĕрлештернĕ команди 34 ылтăн, 39 кĕмĕл, 49 бронза медальсене тивĕçсе 2-мĕш вырăна тухма пултарчĕ. Пухмача Чăваш Ен пикисен çĕнтерĕвĕсем те пуянлатрĕç.

ЧР Пуçлăхĕн тивĕçĕсене вăхăтлăх пурнăçлакан Михаил Игнатьев июлĕн 1-мĕшĕнчен килти хуçалăхсене вĕсем сутакан сĕт пахалăхне кура тÿлессине йĕркелеме хушрĕ. Елчĕк районĕпе ял тăрăхĕсен администрацийĕсем, чĕрчун чирĕсемпе кĕрешекен станци тĕллеве мĕнле пурнăçлаççĕ?

Продукци пуçтаракан организаци Кĕçĕн Таяпа ялĕнчи Головинсен килти хуçалăхне сĕтĕн çу хисепĕ 3,4% ытларах пулнине тĕпе хурса кашни литршăн 1 тенкĕ ытларах тÿлеме тытăннă. Çакна мăшăрĕпе Борис Петровичпа 7 ĕне усракан Надежда Михайловна Головина çирĕплетрĕ.