Archive - Çурла 2014 - Хыпар

Çурла уйăхĕн 22-25-мĕшĕсенче Чĕмпĕр облаçĕнче Олимп вăййисен программине кĕмен тата наци спорт енĕсен Пĕтĕм Раççейри I фестивалĕ иртнĕ. Шел те, пирĕн республикăри физкультурăпа спорт министерстви чылай енпе тулли команда тăратайман, çавна май Чăваш Ен спортсменĕсем нихăçанхинчен те япăхрах вырăн йышăнчĕç.

Юлашки вăхăтра республикăра утарçăсен ĕç-хĕлне пысăк вырăн уйăрма пуçларĕç. Ялсенче хурт-хăмăрпа çыхăннă уявсене ытларах йĕркелесси те çавăнпах çыхăннă-тăр. Етĕрне районĕнчи Пушкăрт ял тăрăхне кĕрекен Çăкалăх çăка йышлă çитĕнекен вăрманпа юнашар вырнаçнă. Çавăнпа асăннă ялта пурăнакансенчен ытларахăшĕ утар тытать.

Çак кунсенче В.И.Чапаев музейĕнче «Пĕрремĕш тĕнче вăрçин фрончĕсенче» курав уçăлнă. Вăл асăннă вăрçă пуçланнăранпа 100 çул çитнине халалланă мероприятисен ярăмне малалла тăсать.

Вĕренÿ заведенийĕсен ертÿçисем, влаç органĕсен представителĕсемпе ĕç паракансем çак кунсенче инженерипе техника кадрĕсене пахалăхлă хатĕрлес ыйтусене сÿтсе явнă. Форума Пĕтĕм Раççей халăх фрончĕн Чăваш Енри уйрăмĕ йĕркеленĕ.

Дискусси МАДИ Атăлçи филиалĕн директорĕн çумĕ Виталий Михайлов палăртнă ыйтăва лайăх енчен татса памашкăн чăрмантаракан сăлтавсем пирки тĕплĕн калаçнинчен пуçланнă.

Тăвай районĕнчи халăха ĕçпе тивĕçтерекен центр директорĕ Любовь Кузьмина пĕлтернĕ тăрăх - служба органне ĕç шыраса кăçалхи çичĕ уйăхра 517 çын пынă /иртнĕ çулхи асăннă тапхăрта - 557/, çав шутра организацирен тухса кайма тивнисем - 12-ĕн.

2012 çулхи çурла уйăхĕн 1-мĕшĕ тĕлне регистрациленĕ ĕçсĕрсен йышĕ 33-пе танлашнă /пĕлтĕр - 35/.

Шута илнĕ ĕçсĕрлĕх шайĕ асăннă тапхăрта 0,36 процент пулнă е 2013 çулхи çав вăхăтринчен 0,02 сахалрах.

Çурла уйăхĕн 23-мĕшĕнче Чăваш Ен Пуçлăхĕ Михаил Игнатьев муниципалитет районĕсемпе хула округĕсен администрацийĕсен пуçлăхĕсемпе видеоконференци мелĕпе канашлу ирттернĕ.

Ăнлавĕ пултăр малтанах Пегас çинчен. Пегас вăл - авалхи грексен халапри çунатлă паттăр лаши. Асамçă-урхамах таса Олимп тăвĕ тăрне улăхса турăсемпе этемсен туррине Зевса çиçĕм тытса пама пултарнă. Çапла ăна çут тĕнчепе хуçаланма пулăшнă имĕш. Пегаса шурăмпуç туррипе Эоспа та çыхăнтарнă, çăлтăрсен ушкăнне те кĕртнĕ.

Вăрнар районĕнчи Хапăсра пурăнакан Николай Есенцевăн чун киленĕçĕ - пахчара, садра ĕçлесси. 30 çул ытла ĕнтĕ вăл тĕрлĕ йышши культура ÿстерет. Улмуççипе грушăна сыпать, çамрăк хунавсене те, улма-çырла параканнисене те юратса пăхать. Николай Васильевич иçĕм çырлин, пан улмин, грушăн, хура хурлăханăн, йĕплĕ хурлăханăн, хăмла çырлин, çĕмĕртĕн, сырланăн, хура хăмла çырлин тĕрлĕ сортне, черешня, алыча, годжи тата ыттине ÿстерет. Хуçалăхра ăна хĕрĕ Елена пулăшать. Елена Николаевна çуркунне тĕрлĕ чечек калчи хатĕрлет, çĕр çырлине, арпуса, дыньăна ытти пахча çимĕçе юратса ÿстерет.

Чăваш халăх поэчĕ Геннадий Айхи çуралнăранпа 80 çул çитрĕ. Чăваш кĕнеке издательстви юбилей тĕлне пысăк парне хатĕрлерĕ - поэтăн «Çырнисен пуххин» виççĕмĕш томне пичетлесе кăларчĕ. Кĕнекене Е.Н.Лисина тата Н.А.Сельверстрова хатĕрленĕ.

Ĕнесен пуçне чакармалла мар, выльăх тытакан тăкаклă ан ĕçлетĕр - çакнашкал тĕллев тăрать республика правительстви умĕнче. Кĕтÿ пĕчĕкленсен халăх сĕтсĕр ларĕ, чĕр тавар тирпейлекен предприятисем тулли вăй-хăватпа ĕçлеймĕç. Ял çынни те килти хуçалăха аталантарса тупăш илме пултартăр.