Archive - 28 Çурла, 2014 - Хыпар

Промышленноç мелĕпе тирпейлемен апат-çимĕç этемшĕн çав тери пахи тахçанах паллă. Унра энзимсем пур. Вĕсем апат ирĕлессине кăна мар, организмри питĕ пĕлтерĕшлĕ ытти ĕçе те лайăхлатма пулăшаççĕ.

Энзимсене ăçтан илмелле-ха? Чĕрĕ пахча çимĕç, улма-çырла, сăмсалантарнă тĕш тырă, тĕрлĕ вăрлăх çимелле.

Килте усă курма меллĕ сывлăхшăн лайăх ансат темиçе сĕнÿпе паллаштаратпăр.

1. Тулă пĕрчисене ислетсе хатĕрленĕ шĕвек. Тулла шыв тасалса çитичченех çумалла. 1 апат кашăкĕ илсе 3 стакан таса шыва ямалла, 2 талăк лартмалла.

Аритмирен, стенокардирен, сылăш пÿлĕннинчен. 10 лимонпа 10 пуç ыхрана аш арманĕпе авăртмалла, 3 литр банкине ярса пăтратмалла. 1,5 литр пыл хушса татах пăтратмалла. Пĕр эрнене сивĕ вырăна /анчах сивĕтмĕше мар/ лартмалла. Кашни кун пăтратмалла.

Касторка çăвĕ ÿте тутлăхлă япаласемпе тивĕçтерет тата çав вăхăтрах ăна нÿретет. Ватлăхăн малтанхи паллисемпе ăнăçлă кĕрешнипе те палăрса тăрать. Унпа хăйĕнпе кăна та, крема хушса та усă кураççĕ. Ăшăтсан вăл ÿте питĕ шала сăрхăнса кĕрет.

Çурла уйăхĕн 27-мĕшĕнче Чăваш Ен Пуçлăхĕ Михаил Игнатьев Мускавра 2014-2015 çулти вĕренÿ тытăмне хатĕрленсе çитнипе çыхăннă канашлăва хутшăннă. Ăна Раççей Федерацийĕн Правительствин Председателĕ Дмитрий Медведев видеоконференци мелĕпе ирттернĕ.

Ĕнер Чăваш Республикин Министрсен Кабинечĕн председателĕ Иван Моторин Правительство ларăвне ирттерчĕ. Пурĕ 15 ыйту пăхса тухрĕç.

ЧР Ял хуçалăх тата Экономика аталанăвĕн, промышленноç, суту-илÿ министерствисем, Суту-илÿпе промышленноç палати авăн-раштав уйăхĕсенче республикăра «Вырăнтине суйла - хамăрăннех туян» ятпа акци йĕркелеççĕ. Вăл РФ Президенчĕн Владимир Путинăн çĕр-шывра апат-çимĕç хăрушсăрлăхне туса хумашкăн экономикăн ятарлă мерисемпе усă курма йышăннă Указне пурнăçлама май парать.

Çак ыйту чылайăшне калаçтарать, пăшăрхантарать, тавлаштарать. Сăмахăм Шупашкарти Иван Яковлев проспектне çĕнетсе анлăлатнă хыççăн общество транспорчĕн «Пичет çурчĕ» чарăнăвĕнчи çул урлă каçмăш çинчен. Тĕрĕсрех - ăна хупни, карта тытсах икĕ пая уйăрни пирки.

Йăлана кĕнĕ «августри педканаш» иртнĕ кĕçнерни кун вĕренÿ тытăмĕнчи нумай-нумай ĕçчене пĕр аудиторие пухрĕ. И.Н.Ульянов ячĕллĕ Чăваш патшалăх университечĕн Культура керменĕнче пушă вырăн çукпа пĕрехчĕ. Çулталăкра пĕрре чи çивĕч ыйтусене сÿтсе явма пухăннă йыш Чăваш Республикин вĕренÿпе çамрăксен политикин министрĕн В.Н.Ивановăн докладне тимлĕн тăнларĕ. Конференци темине кура ытларах чăн ăслăлăхсемпе математикăна çине тăрса вĕрентесси çинчен калаçнă май Владимир Николаевич шухăшĕсене тăтăшах пурнăçри тĕслĕхсемпе çирĕплетсе пычĕ.

«Капкăн» журналăн кăçалхи вун улттăмĕш номерĕ кун çути курчĕ. Вăл Сергей Мягковăн «Халăха ĕçпе тивĕçтерекен центр умĕнче» ÿкерчĕкĕпе уçăлать. Иккĕмĕш страницăна «Ултав çулĕпе çÿресен» корреспонденци тата "Паспортсăр йышăнмастпăр" ÿкерчĕк вырнаçтарнă.