Archive - 9 Çурла, 2014 - Хыпар

Указ Главы Чувашской Республики от 4 августа 2014 года № 110 «Об объявлении в Чувашской Республике 2015 года Годом К.В. Иванова».

Указ Главы Чувашской Республики от 4 августа 2014 года № 111 «Об оптимизации численности государственных гражданских служащих Чувашской Республики».

Обществăн хÿтлĕхсĕр пĕр пайне - тăлăхсене - шăпа кăна мар, влаçра ларакансен тимсĕрлĕхĕ кÿрентересси çав-çавах тĕл пулкалать-ха пирĕн пурнăçра. Иртнĕ уйăхра кăна ЧР прокуратурин сайтĕнчи хыпарсен ярăмĕнче çавнашкал пĕр тĕслĕхе асăрхарăм.

Патшалăх Канашĕн çурла уйăхĕн 5-мĕшĕнчи анлă ларăвĕнче Раççей Федерацийĕн Президенчĕ Владимир Путин Раççее хирĕç санкцисем йышăннă патшалăхсенчен ял хуçалăх продукцийĕсем, апат-çимĕç тата ытти хăш-пĕр тавар кÿрсе килессине çулталăклăха чарса лартасси пирки пĕлтерчĕ, правительствăна çак ушкăна кĕрекен продукцисен переченьне хатĕрлеме сĕнчĕ, РФ субъекчĕсенчи ĕç тăвакан влаç тытăмĕсемпе пĕрле тавар рынокĕн мониторингне хатĕрлеме тата унăн тăрăмне тĕпчесе пĕлме хушрĕ. Çак пулăма Чăваш Республикинчи яваплă çынсем мĕнле йышăнаççĕ, мĕнле хак параççĕ?

"Икĕ пуртă, çĕçĕ, алă пăчки тата... ĕмĕт! Чиркÿ хатĕр те", - шÿтлерех пĕтĕмлетет вăл. Вăрмар районĕнчи Энĕшпуçĕнче пурăнакан Николай Ильин ятарлă станоксăр, алă туйăм-сисĕм вăйне кăна шанса арман, чиркÿ, карап макечĕсене ăсталать.

Муркаш райпо канашĕн председателĕпе, ЧР халăх ыйтăвĕсене тивĕçтерес ĕçĕн тава тивĕçлĕ ĕçченĕпе Борис Андреевпа тĕл пулса калаçма икĕ сăлтав хистерĕ, ĕнер вăл хăйĕн 60 çулхи юбилейне паллă турĕ тата Муркаш райпоне йĕркеленĕренпе кăçал 70 çул çитрĕ.

Çемье институтне тĕреклетмешкĕн сумлă тÿпе хывнă тата ывăл-хĕрне тивĕçлипе пăхса çитĕнтерсе пурнăç çулĕ çине кăларнă Чăваш Енри икĕ çемье кăçал Раççей Федерацийĕн сумлă наградине - "Ашшĕ-амăшĕн мухтавĕ" ордена, тăваттăшĕ - асăннă орденăн медальне, вун тăваттăшĕ Чăваш Республикин "Юратупа шанăçшăн" орденне тивĕçнĕ.

Пĕтĕм Раççейри Çемье, юрату тата шанăç кунĕ ячĕпе пирĕн хутлăхăн ятлă-сумлă çыннисен пысăк ушкăнне Чăваш Ен Пуçлăхĕ Михаил Игнатьев Раççей Федерацийĕн тата Чăваш Республикин Патшалăх наградисемпе сумланă.

Эпĕ - пурнăç тути-масине курнă çын, унăн хакне аван чухлатăп. Хыçа юлнă кун-çулăма аса илнĕ, тишкернĕ май пуçра тĕрлĕ шухăш явăнать: пурне те кирлĕ пек пурнăçларăм-ши, çутă тĕллевсенчен хăшĕ-пĕри мĕншĕн ĕмĕтре кăна юлчĕ-ши?

Пирĕнтен кашниех çĕр çине çут çанталăк тивлечĕпе ырă курса пурăнма килет. Пурин те телейлĕ пулас, хăйĕн хыççăн ырă йĕр хăварас, ывăл-хĕре халăха юрăхлă çитĕнтерес ĕмĕтпе малалла ăнтăлас килет.

«Ĕмĕр сакки сарлака, анчах ĕмĕрĕ кĕске», - шăрантарать паллă юрăç уçă сассипе. Çак кĕске те шутлă кунсенче тем те куратпăр, тÿсетпĕр. Тăнлав ахальтен шуралмасть пулĕ. Çын ватăлса ĕçлейми пулсан çапла калать: «Кама кирлĕ ĕнтĕ халь эпир?» Епле кама?

Леонид Кавалсен çĕнĕ кĕнеки пичетленсе тухасси çинчен илтнĕччĕ. Кун çути курмарĕ-и вăл?

И.ВАСИЛЬЕВА.

Элĕк районĕ.

Çурла уйăхĕн 16-мĕшĕнче каçхине сакăр сехетре «Энергия» стадиона пухăннă Шупашкарсем питĕ хăйне евĕр шоупа паллашĕç. Кунта çĕр-шыври профессионал кĕрешÿçĕсен «Чемпионсен Кубокĕ» турнир иртĕ. Унта Китайри Шаолинь манахĕсен делегацийĕ те хутшăнĕ.