Archive - 2013 - Хыпар

Раштав уйăхĕн 14-мĕшĕнче Мускав хулин Тĕп администраци округĕн ача-пăчан 140-мĕш вулавăшĕнче А.П.Леонтьевпа Н.И.Егоровăн «Откуда мы, куда идем?» кĕнекинче хускатнă çивĕч ыйтусемпе «çавра сĕтел» иртнĕ.

Раççейри чăваш наци культура пĕрлешĕвĕсен ертÿçисем Хусанта пухăнса чăвашлăх ĕçĕнче çивĕч тăракан ыйтусене сÿтсе яврĕç. Вĕсенчен пĕри - йăхташсем йышлă пурăнакан регионсене чăвашла вĕренÿ кĕнекисемпе тата илемлĕ литературăпа тивĕçтересси. Тутарстанри, Эрĕнпур, Свердловск облаçĕсенчи йăхташăмăрсем тăван чĕлхепе вуласшăн, анчах юлашки çулсенче чăвашла кĕнекесем ку тăрăхсене питĕ сахал пыраççĕ.

Раççей Президенчĕ Владимир Путин Федераци Пухăвне тата Чăваш Ен Пуçлăхĕ Михаил Игнатьев Патшалăх Канашне янă Çырусенчи тĕллевсем пĕр саслă. «Пĕрлĕхлĕ Раççей» партин Чăваш регион ĕçтăвкомĕнче Владимир Путин Çырăвне сÿтсе явма «çавра сĕтел» йĕркелерĕç.

Республикăри «Земство тухтăрĕ» программа ăнăçлă ĕçлени куç кĕрет. 2012 çулта республикăри ялсене 132 çамрăк специалист кайнă.

Чи кирли – паянхи кăткăс лару-тăрура çамрăк тухтăрсен пурăнмалли çурт-йĕр ыйтăвне татса пани. Диплом илнĕ çамрăк хăтлă хваттер е кил-çурт туянма укçа-тенкĕ ăçтан çитертĕр? Программăпа килĕшÿллĕн çамрăк тухтăрăн ялта 5 çул ĕçлемелле. Çак тапхăрта вăл опыт пухса ăсталăх шайне ÿстерĕ, лайăх специалист ялта пурăнакансен сывлăхне çирĕплетме витĕм кÿрĕ.

Чăваш наци музейĕнче ЧР тава тивĕçлĕ художникĕн Николай Балтаевăн ĕçĕсен «Тенкĕ çумне тенкĕ» куравĕ иртрĕ. Ăна ăстан 50 çулхи юбилейне халалланă.

Кама мĕнле те - мана чăваш ялĕ хăйне евĕрлĕхĕпе, хăйне манерлĕхĕпе тĕлĕнтерме пăрахмасть. Маларах вулаканăмăра Вăрнар районĕнчи Кăмпалсем паянхи кунчченех юсман пĕçерни пирки çырса кăтартнăччĕ. Паян вара - асăннă тăрăхри Кивьялсем пирки сăмахăм.

«Кăтартусем ăнăçлă, анчах татса памалли уйрăм ыйтусем пур...» - çапла хакларĕ ЧР Пуçлăхĕ Михаил Игнатьев Министрсен Кабинечĕн ĕнерхи ларăвĕнче республика Правительствин вĕçленсе пыракан çулталăкри ĕç-хĕлне пĕтĕмлетнĕ май.

«Шупашкарти «Тароупаковка» АУО продукци туса кăларма тытăннăранпа кăçал 20 çул çитрĕ. Экономика-финанс кăтартăвĕсене лайăхлатас тĕллевпе предприяти модернизаци проекчĕпе килĕшÿллĕн производство лаптăкĕсене пысăклатсах пырать.

Çак "ăнăçу джентльменĕ" Чăваш Ене çитиччен пин километр ытла хыçа хăварнă. Кунта вара... вăрăпа çакланнă.

Италири Трентино хулинче иртнĕ Пĕтĕм тĕнчери хĕллехи Универсиада вĕçленчĕ. Раççейĕн пĕрлештернĕ командишĕн ăнăçлă - унта пирĕн спортсменсем 15 ылтăн, 16 кĕмĕл, 19 бронза медаль çĕнсе илсе пьедесталăн чи çÿллĕ картлашки çине хăпарчĕç.