Archive - Sep 2017

сентября 22nd

Совет Союзĕнче пурăнакан кашни ача çĕршывăн тĕп хулине кайса курма ĕмĕтленнĕ ахăртнех. Вăл çамрăксене кăна мар, çитĕннисене те илĕртнĕ. Телейлисен йышне пултаруллисемпе маттуррисем лекейнĕ. Чăваш пионерĕсем Мускава хавхаланупа çитнĕ пулĕ. Çак сăн ÿкерчĕке 1929 çулта тунă.

Хисеплĕ вулаканăмăрсем! Эсир те килте упранакан сăн ÿкерчĕксене пирĕн редакцие ярса пама пултаратăр.

 

Пуçламăш утăмсене кăна тăваççĕ-ха вĕсем. Анчах вĕсем сулмаклă. Ĕçĕн ырă кăтартăвĕсемпе çитĕнĕвĕсем те пур. Сăмахăм Комсомольски районĕнчи Çĕнĕ Мăрат шкулĕнчи вĕренекенсен шырав юхăмĕ пирки.

Чăваш Енри ăнăçлă ĕçлесе пыракан предприятисем Мускавра юпа уйăхĕн пуçламăшĕнче иртекен Раççейри «Ылтăн кĕркунне» агропромышленноç куравне хутшăнма хатĕрленеççĕ. Выставкăра Вăрмар районĕнчи Владимир Ивановăн хресчен-фермер хуçалăхĕ хăйĕн çитĕнĕвĕсемпе выльăх ĕрчетекен чи лайăх çемье ферми пек паллаштарĕ. Çитĕнĕвĕ вара çак фермерăн темĕн чухлех.

сентября 21st

Эпĕ 8-мĕш класра вĕренетĕп. Чун мĕнле ыратнине хальччен пĕлменччĕ. Аслисенчен илтнĕ-ха, анчах çак пĕлтерĕше ăнланман. Манăн аттепе анне ниçта та ĕçлемеççĕ. Икĕ ĕне усратпăр, вăкăр самăртатпăр — çав укçапа пурăнкалатпăр. Пирĕн ялта ĕç çук, çавăнпа анне килте тăрмашать. Атте маларах Мускава çÿретчĕ. Ĕçлесе таврăнсан укçине эрех-сăра ĕçсех пĕтеретчĕ. Юлашки вăхăтра юлташĕсем ăна пĕрле илсе кайми пулчĕç.

«Вĕренÿ вырсарникунĕ» проектпа килĕшÿллĕн, иртнĕ вырсарникун Çĕнĕ Шупашкарти Тĕкĕрç вăрманĕнче 2017-2018 вĕренÿ çулĕнче пĕрремĕш хут «Кичем мар уроксем» иртнĕ. Унта Раççейри шкул ачисен юхăмĕн регионти 120 хастарĕ хутшăннă.

Чăваш Ен Пуçлăхĕ Михаил Игнатьев уйăхсерен памалли стипенди çинчен калакан хушăва алă пуснă. Шкул ачисем валли — 20, искусствăсен шкулĕнче хушма пĕлÿ илекенсем валли 5 стипенди пăхса хунă. Ăна тивĕçекенсен вĕренÿ çулĕ тăршшĕпех уйăхсерен 400 тенкĕ илме май пулĕ.

Стипендипе вĕренÿре пысăк çитĕнÿ тăвакансене, искусство, литература, музыка пултарулăхĕнче палăракансене, çавăн пекех республикăри, Раççейри предмет олимпиадисен çĕнтерÿçисене хавхалантараççĕ.

Шкул ачисен чи вăрăм каникулĕ вĕçленчĕ те çĕнĕ вĕренÿ çулĕ вĕсене каллех шкула пуçтарчĕ. Акă пĕрремĕш уйăх çуррине те çитрĕмĕр. Кану кунĕсенчен хăпма йывăр пулмарĕ-ши ачасене? Чим-ха, хăйсенчен ыйтса пăхар.

Pages