Archive - Sep 2017

сентября 4th

Тахçан кашни ялтах хăйĕн ал ăсталăхĕпе тĕлĕнтерме пултарнă çынсем пирки паян чуна ыраттарсах иртнĕ вăхăтпа çырма тивет. Чăннипех мĕн кăна ăсталамастчĕç-ши вĕсем?! Чăваш наци музейĕн Йĕпреçри уйрăмĕн картинăсен галерейинче ирттернĕ курава темиçе çул каялла ăнсăртран кĕрсе тухнăччĕ. Районти ал ĕç ăстисен тĕрлĕ япали хушшинче тĕрĕ- эреш, килте тĕртсе тунă кавирсем, кĕпе-тумтир, йывăçран савăт-сапа, хăваран çыхнă карçинккасем, çичĕ пушăт çăпати тата ытти тем те пурччĕ.

«Ыйтакан нумай, паракан сахал» тенĕ халăхра. Алă тăсса пулăшу кĕтекен, чăн та, йышлă. Хула урамĕсенче час-часах курма пулать вĕсене. Чиркÿ умĕнче те тĕмсĕлсех укçа ыйтакана тĕл пулатăн. Сусăр е ваттисем кăна мар, вăй питтисем те Турра кĕлĕ тума килекенсем ырă пулса алла кĕмĕл хурасса шанаççĕ.

Çул урлă çĕр айĕнчен каçмалли вырăн та — ыйтакансен юратнă лапамĕ. Кунашкал çĕре çывхарнă май вак укçа тÿрех хатĕрлеме юрать. /Енчĕке кайран «тустармалла» ан пултăр/.

Шывпуç Чуракассинче мана Сергеевсен килĕ тĕлне лавкка умĕнче тăракансен ушкăнĕ кăтартса ячĕ. Телее, Наталья Николаевна килтехчĕ. Хĕрĕпе Розăпа ывăлĕ Юрий пĕрлехчĕ.

94 çулти кинеми ватлăх кунĕсене мăшăрĕпе Григорий Сергеевичпа иртнĕ ĕмĕрĕн 60-мĕш çулĕсенче çĕклесе лартнă йывăç çуртра ирттерет. Пÿрт-çуртпа хуралтăсене самаях кивĕ сăн çапнă, анчах шалта çутă та таса, кашни япала хăй вырăнĕнче. Пÿрте хутса ăшăтма çут çанталăк газĕ кĕртнĕ.

сентября 1st

«Лашасем сĕлĕ питĕ юратаççĕ. Унсăр пуçне эпĕ вĕсене пылак çимĕçпе хăналатăп. Çакна пулах Памир ятлă тиха хам хыççăнах çÿрет», — каласа кăтартать Вăрмар районĕнчи Кĕтеснерте Александр Игнатьев фермер патĕнче ĕçлекен Олег Пегей.

Çул тăвасси — яланхи ыйту. Вăл çынсене те, пуçлăхсене те, тÿре-шарана та калаçтарать. Пирĕн республикăра çулталăкне сахал мар çул тăваççĕ. Анчах подрядчиксем хăйсен ĕçне тивĕçлипе пурнăçламанни ĕç-пуçа начарлатать. Çак кунсенче эпир тĕрлĕ районти «ыйтуллă» обĕектсенче пулса куртăмăр.

Республика çыннисем ĕç укçине вăхăтра илеççĕ-и? Вăл е ку сăлтавпа шалăва катмаççĕ-и? Паянхи куншăн пĕлтерĕшлĕ çак ыйтусене Чăваш Ен Пуçлăхĕ çумĕнчи шалăва вăхăтра тата туллин парассипе, официаллă мар йĕркепе ĕçлекенсен шутне чакарассипе çыхăннă ыйтусемпе ĕçлекен комисси ларăвĕнче пăхса тухрĕç. Канашлăва Михаил Игнатьев ертсе пычĕ.

Паян — Пĕлÿ кунĕ. Йăлана кĕнĕ тăрăх республикăри вĕренÿ учрежденийĕсенче ăна халалласа чаплă мероприятисем иртеççĕ, шкул ачисемпе студентсене влаç, общество организацийĕсен, предприятисен представителĕсем, ашшĕ-амăшĕ саламлаççĕ. Сăмах май, 2017/ 2018 çулхи вĕренÿ çулĕнче пĕлÿ заведенийĕсенче 196,5 пин ача тата çамрăк ăс пухĕ, вĕсенчен 36 ытла пинĕшĕ — пĕрремĕш курссенче тата пуçламăш классенче.

Çĕнĕ вĕренÿ çулĕнчи шкул программине те самаях пуянлатнă, унта хушма дисциплинăсем кĕртнĕ.

Pages