Archive - Sep 2017

сентября 18th

Выçăллă-тутăллă пурăннăран тăваттăмĕш класс хыççăнах, вун иккĕ тултарсан, колхоз ферминче ĕçлеме тытăннă вăл. Резина атă пулманран ури йĕпеннĕ те, шăннă та...

Элĕк районĕнчи Йăлкăш ялĕнчи Евдокия Еремеева — 2-мĕш ушкăн инваличĕ. 83-ри кинемей /1934 çулта çуралнă/ пиллĕкмĕш çул вырăн çинчен тăраймасть, урама тухса çутă тĕнче кураймасть. Ачалăхран пуçланнă хĕн- хурлă пурнăçĕ ĕмĕр тăршшĕ тăсăлса халĕ те асаплантарать ăна.

«Ĕмĕтлĕ çын — çунатлă» тенĕ ваттисем. Кашниех тĕллевпе пурăнатпăр вĕт. Пысăк е пĕчĕк савăнăç патне талпăнатпăр. Ырри çывăхне туртăнатпăр. Ĕмĕтсемпе кăварланатпăр. Тепĕр чухне пĕр тĕллев лартатпăр та ăна пурнăçлас тесе утăм хыççăн утăм тăватпăр — пăтăрмахĕ, йывăрлăхĕ, тумхахĕ витĕр тухатпăр. Республикăри МЧС тытăмĕнче ĕçлекен Елена Васильева та çакăн пек хастарсенчен пĕри.

Кĕркунне çырла тĕмми куçарма вăхăт. Кăçал виктори ăнса пулчĕ, анчах та нумай çĕрчĕ. Питĕ кÿренмелле — çырлапа çăвĕпех ĕçлемелле-çке. Тухăçлă тата тĕрлĕ чир-чĕре парăнман мĕнле сортсем лартсан лайăх-ши?

А.МИХАЙЛОВА.

Элĕк районĕ.

Ыйтăва Шупашкарти Ботаника сачĕн агрономĕ Антонина ВАСИЛЬЕВА хуравлать:

Мускавра старт илнĕ Халăхсен хушшинчи "Пурçăн çул-2017" ралли-рейд Китайри Сиань хулине çитиччен тăсăлчĕ. Раççей — Казахстан — Китай маршрутпа йĕркеленĕскерĕн пĕтĕмĕшле тăршшĕ 9599 километрпа танлашрĕ.

Наци республикинче пурăннă тата чăваш хаçатĕнче ĕçленĕ май çак ыйту, паллах, пире яланах хумхантарать — мĕнле сыхласа хăвармалла халăхăмăрăн хăйне евĕрлĕхне, чĕлхине, йăли-йĕркине, ташши-юррине, тĕрри-сăввине? ЮНЕСКО хăрушă пĕтĕмлетÿ тунă хыççăн, тĕрĕссипе, ыйтăва çивĕчрех те лартма пулать-ха: чăваш ятне çĕр çинче епле упраса хăвармалла? Тĕнче историйĕнчен çапах та пĕр йĕр хăвармасăр пĕрре те çухалас килмест...

сентября 15th

Вăрнар районĕ. Вăрнарти ача-пăча искусствăсен шкулĕнче преподавательте ĕçлекен Владислав Кудряшовăн «Тăван пÿрт урати патне таврăнсан» куравĕ уçăлнă. Ăна ăста пултарулăх ĕçне пуçăннăранпа 40 çул çитнине халалланă. Экспозицире — 42 картина. Вĕсенче Вăрнар урамĕсемпе çурчĕсем, Вурнарка шывĕ, тавралăх илемĕпе ĕлккенлĕхĕ сăнланнă. Автор хăйĕн картинисенче Кÿстÿмĕре уйрăмах пысăк вырăн уйăрнă.

Патшалăх Канашĕн, районсемпе хуласен тата ял тăрăхĕсен депутачĕсен авăнăн 10-мĕшĕнчи хушма суйлавĕнче мандатлă пулса тăнă 70 çынран 68-шĕ — "Пĕрлĕхлĕ Раççей" парти членĕсем. Çавна май республика Пуçлăхĕ Михаил Игнатьев вĕсемпе курнăçас тени ăнсăртран мар.

Тĕлпулу ĕнер Наци библиотекин залĕнче иртрĕ.

Pages