Archive - 14 Sep, 2017

Хырăм хытиччен култаракан, хитре сассипе юрласа чуна тыткăнлакан, пултарулăх каçĕсенче зал тулли халăх пуçтаракан Петр Ермолаев — паян пирĕн тĕпел хăни. Елчĕк районĕнчи Чăваш Тăрăмра çуралса ÿснĕ шоуменăн ачалăхĕ сирĕншĕн те питĕ кăсăклă пуласса шанатпăр.

Комсомольскинчи 2-мĕш шкулта тăххăрмĕш класра азербайджан хĕрĕ Назрин Джаббарова вĕренет. Вăл вун пилĕк çулта. Çак хĕр ача питĕ çутă та ăшă чунлă пулнине унпа калаçнă май туйса илтĕм. Унăн таса сасси тата савăнăçлă кулли класра уççăн янăрарĕ.

Иртнĕ шăматкун Удмурти тĕп хулинче Ижевскра дуатлон енĕпе Раççей кубокĕшĕн тата триатлон енĕпе федераци кубокĕшĕн ăмăртнă. Чăваш Енĕн пĕрлештернĕ команди унта лайăх кăтартусемпе савăнтарнă. 15-17 çулсенчи хĕрсенчен пирĕн ентеш Елизавета Зайцева чи лайăххи пулнă. Вăл Са¬ратов тата Чулхула спортсменĕсенчен иртсе пĕрремĕш тухнă.

13-14 çулсенчи арçын ачасенчен пирĕн Роман Минеев тата Павел Никитин 2-3-мĕш вырăнсене пайланă.

 

Паянхи куна илсен чылайăшĕ пурнăçа пуянлăхра кăна курать пек туйăнать. Чи кирли — сывлăх, юрату, чун тасалăхĕ, çынна ăнланма пĕлни мар-ши? Çук, пĕр-пĕрне ăнланма тăрăшмастпăр эпир. Ним çукранах кÿрентеретпĕр.

Чемпионат çакăн пек кăтартупа вĕçленчĕ: Раççей команди 1-мĕш вырăн йышăнчĕ: 7 «ылтăнсăр» пуçне хĕрсем 5 «кĕмĕле» тата 1 «бронзăна» тивĕçрĕç. Иккĕмĕшпе виççĕмĕш вырăнсене Италипе Япони командисем пайларĕç.

Пушарнăйсен профессийĕ — чи йывăррисенчен пĕри. Çак тытăмра ĕçлекенсен тĕп тивĕçĕ — çынсен пурнăçне çăласси. Кашни кун тенĕ пекех вĕсен этемĕн хуйхи-суйхипе тĕл пулма тивет. Тухтăрсем палăртнă тăрăх, пушарта организм инфаркт умĕнхи пекех пăлханать. Шупашкарти ятарлă пушарпа çăлав чаçĕн хурал пуçлăхĕ Евгений Долгов ĕçри йывăрлăхĕсем пирки каласа кăтартрĕ.

Pages