Archive - Sep 2017

сентября 28th

Авăн уйăхĕн 19-мĕшĕнче тĕлĕнмелле уяв — Смайлик кунĕ — иртрĕ. Пурте пĕлекен сарă тĕслĕ пит иртнĕ ĕмĕрĕн 60-мĕш çулĕнчех пулнă. Çапах та ăна чи малтан кам шухăшласа кăларни паллă мар. Кун пирки тĕрлĕ верси çÿрет. Компьютерти смайлик авторĕ — Америка ученăйĕ Скотт Фалман. Вăл 35 çул каялла пĕлтерÿсене смайликсемпе /вĕсем икĕ пăнчăран, тирепе скобкăран тăнă/ усă курса çырма сĕннĕ. Çапах та Фалманччен маларах вырăссен паллă писателĕ Владимир Набоков скобкăпа кулă евĕр усă курнă.

Ку пĕлтĕрхи утă уйăхĕн 19-мĕшĕнче Хĕрлĕ Чутай районĕнчи Тихăнушкăнь ялĕ патĕнче пулнă. 7-мĕш класс пĕтернĕ Кирилл Блинов кăнтăрла иртни пилĕк сехет тĕлнелле урама тухнă. Арçын ача пулăшу ыйтса кăшкăрнине илтнĕ. Вăл тÿрех кун пирки амăшне пĕлтернĕ.

Хальччен çăмран çăматă йăваланине, çип арласа алсиш-нуски çыхнине çеç пĕлнĕччĕ. Унран картина та хатĕрлеме май пуррине илтсен питĕ тĕлĕнтĕм. Кунашкал мелпе усă курса тунăскерсем питĕ илемлĕ. Пĕрре пăхсан ĕçĕ çăмăл пек туйăнать. Çук иккен, вăл питĕ кăткăс. Психологсен шухăшĕпе, ку хăйне евĕр ĕç чуна лăплантарма, çынна хăйне ĕненме пулăшать.

Шупашкарта пурăнакан ултă ачаллă Даниловсен çемйи 2012 çултанпа хваттер черетĕнче тăрать. Ун чухне списокра çирĕм пиллĕкмĕш пулнă вĕсем. Унтанпа çичĕ çул хыçа юлнă, вĕсем хулара халĕ те виçĕ пÿлĕмлĕ хваттер тара тытса пурăнаççĕ. Йышлă çемье паянхи кун та пурăнмалли çурт-йĕрпе тивĕçтерессе кĕтсе илеймен.

«Мачча тăрринчен персе анать-им?»

Çĕрпÿ районĕнчи Виçикассинче пурăнакан Андрей Петров амăшĕнчен виçĕ çулта тăлăха юлнă. Вĕсем ун чухне Шупашкар районĕнчи Анаткас Тăрăн ялĕнче пурăннă.

РФ СКн Шупашкарти Калинин районĕнчи следстви уйрăмĕ 36 çулти арçын тĕлĕшпе пуçарнă уголовлă ĕçе тишкерсе пĕтернĕ. Ăна влаçри çынна хур кăтартнăшăн айăпласшăн.

Патăрьел районĕнчи Турханти мăшăр кăвакарчăн евĕр килĕштерсе пурăнакан Гусевсем патĕнче темиçе хутчен те пулма тÿр килчĕ. Вĕсем ыттисенчен раснарах пек туйăнатчĕ: Виталий Михайловичпа Лидия Васильевна чылай çул пĕрле кун кунласан та пĕр-пĕрин çинчен куç илмесĕр ăшшăн калаçатчĕç. Чĕрери чи таса туйăма упрама пĕлни савăнтарнăччĕ мана. «Пирĕн енче ун пек арçын сайра, арăмне алă çинче йăтса çÿреме хатĕр вăл. Хĕрарăма хисеплет, кил-тĕрĕшри йывăр ĕçсене хăех пурнăçлать», — ырласа калаçрĕç ун чухне кÿршисем.

Хăрушă пушартан Саша чĕрĕ юлма пултарнă. Анчах вăл амăшне вут-çулăмра пăрахса хăварайман, ăна пулăшма васканă. Унтан вара иккĕшĕ те тухайман…

Pages