Archive - Çĕртме 2016

июня 30th

30 Çĕртме, 2016

Туслăхпа пĕрлĕх уявĕ

Иртнĕ эрнере Чăваш Ен хăйĕн тĕп уявне - Республика кунне - чаплă палăртрĕ. Çавна май тĕп хулари Хĕрлĕ тÿремре тĕрлĕ мероприяти пулчĕ. Халăх пултарулăхĕн Пĕтĕм çĕршыври «Раççей çăлкуçĕсем» фестиваль кăçал 24-мĕш хут иртрĕ, Пĕтĕм Раççейри «Руç ăстисем» конкурс вара - 14-мĕш хут. Унта çĕршыври 19 регионтан 34 ăстаçă хутшăнчĕ. Чăваш Ен чысне 20 алĕç маçтăрĕ хÿтĕлерĕ. Вĕсен пултарулăхне 9 номинаципе хакларĕç. Конкурса Чăваш Енри Ĕç çыннин çулталăкне халалларĕç.

«Шупашкара малашне те килĕпĕр»

30 Çĕртме, 2016

Уй-хиртен - сентре çине

Анлă территоринче такăр, таса. Ешĕл газон, клумбăри сарă-хĕрлĕ чечексем куçа илĕртеççĕ. Çанталăк шăрăх тăнă май вĕсене ирĕн-каçăн шăвараççĕ. Çак тĕлĕнтермĕше Вăрнарти аш-какай комбиначĕн сĕт-çу комплексĕнче курма тÿр килчĕ. Республика кунне комбинат Малтикас Ялтăрта çĕнĕ витепе кĕтсе илчĕ. Ăна савăнăçлă лару-тăрура уçма ЧР ял хуçалăх министрĕ Сергей Артамонов, патшалăхăн тĕп ветеринари инспекторĕ Сергей Скворцов, «Чăвашçăкăрпродукчĕ» пĕр-лешÿн тĕп директорĕ Владимир Яковлев тата ыттисем те хутшăнчĕç.

Хушма ĕç вырăнĕ

30 Çĕртме, 2016

Çамрăксемсĕр ял илемсĕр

Ял хуçалăхне аталантарасси, çамрăксене тăван çĕре юратма вĕрентесси, вĕсене ялтах хăварасси пирки калаçрĕç «Хыпар» Издательство çурчĕн ĕçченĕсемпе Чăваш патшалăх ял хуçалăх академийĕн ректорĕн должноçне нумаях пулмасть йышăннă Андрей Макушев.

Чăн та, халĕ асăннă отрасльпе кăсăкланакан çамрăк сахал. Ытларах «таса ĕçе» кăмăллаççĕ вĕсем. Хăшпĕр ашшĕ-амăшĕ те ачисене хуланалла ăсатма тăрăшать. Хваттер туянса парать, унтах тĕплентерет. Çапла майпа ял ватăлать.

30 Çĕртме, 2016

«Сарафанлă радио» – виççĕмĕш вырăнта

Пĕтĕм Раççейри ял хуçалăх çыравне халалласа «Манăн Раççей» сăнÿкерчĕксен конкурсĕ иртрĕ. Жюри членĕсем хушшинче профессионал фотографсем, ÿнерçĕсем пулнă. Вĕсем чи лайăх ĕçсене суйласа илнĕ. Çĕнтерÿçĕсен йышĕнче Чăваш Енрен те пур: пирĕн ĕçтеш, «Хыпар» Издательство çурчĕн фотокорреспонденчĕ Василий Кузьмин.

30 Çĕртме, 2016

Пултарулăхра иксĕлми вăй

Чăн чăваш хресченĕнче иксĕлми вăй тапса тăрать. Сухаçă-акаçă та вăл, унсăр пуçне кирпĕч купалама та пултарать, платник ĕçне аван пĕлнĕрен çуртне те хăй тăвать. Килте техника пуртан тимĕр шăратма та маçтăр. Тата... йывăçран тĕлĕнмелле илемлĕ япаласем касса кăларать.

30 Çĕртме, 2016

Алă усса лариччен

"Çыннăн ахаль ларма юрамасть", - тет Шăмăршă районĕнчи Карапай Шăмăршăра пурăнакан 80 çулти Евгения Алексеевна Степанова. Ĕмĕр тăршшĕпе тĕрĕ тĕрлет вăл. Паллах, пушă вăхăтра. Тен, çавăнпа çак имшеркке хĕрарăм хăйĕн ÿсĕмĕнчен чылай çамрăкрах курăнать.

30 Çĕртме, 2016

«Çамрăксен хаçачĕ» 25 (6118) №. 30.06.2016

30 Çĕртме, 2016

Таксидермист ĕçĕ çĕвĕçĕнни пекех

Мĕн вăл — таксидерми? Ахăртнех, чылайăшĕ сунарçăсен çуртĕнче кайăк-кĕшĕкĕн е чĕрчунăн кĕлеткине асăрханă. Вĕсене, паллах, музейра та курма май пур. Раççейре кунашкал кĕлеткене I Петĕр патша хушăвĕпе килĕшÿллĕн Кунсткамерăра пирвайхи хут вырнаçтарнă.

30 Çĕртме, 2016

Водолазсем мар, юлташĕ туртса кăларнă

"Çамрăксен хаçачĕн" иртнĕ номерĕнче "Икĕ кунра — икĕ инкек" хыпарта шăрăх çанталăкра шывра путса вилнĕ тĕслĕхсем çинчен пĕлтернĕччĕ. Ăна вуланă хыççăн Шупашкар районĕнчи Хĕрлĕçыр ялĕнчи пĕвере путнă çамрăкăн тăванĕсем редакцие шăнкăравларĕç. "Пирĕн ахаль те пысăк хуйхă. 17-ри çамрăка пытартăмăр. Эсир тĕрĕс мар çырни суран çине тăвар сапнăнах туйăнчĕ. "Водолазсем унăн виллине виçĕ сехетрен тупнă" тени йăнăш. Тем чухлĕ шăнкăравласан та МЧСран никам та çитеймерĕ..." — пăлханса калаçрĕ Вера Николаева.

30 Çĕртме, 2016

«Пире те илтĕр: яланах чулпа ан перĕр!»

"Район больницинче нимĕнпе те пулăшмарĕç" статьяпа паллашнă хыççăн Йĕпреç районĕн больницин тĕп тухтăрĕ Наталия Мясникова редакцие шăнкăравлама кăна мар, кĕрсе тухма та вăхăт тупрĕ.

Pages