Archive - 3 Çĕртме, 2016

Чăваш Ен Пуçлăхĕ Михаил Игнатьев çĕртме уйăхĕн 1-мĕшĕнче РФ Правительствин Председателĕ Дмитрий Медведев видеоконференци мелĕпе ирттернĕ селектор канашлăвне хутшăннă. Унта регионсен пуçлăхĕсем тата Пĕтĕм Раççейри ача-пăча центрĕсен ертÿçисем çул çитменнисен кăçалхи çуллахи канăвне йĕркелессипе çыхăннă ыйтусене сÿтсе явнă.

ЧР транспортпа çул-йĕр хуçалăхĕн министрĕ Владимир Доброхотов ертсе пынипе газпа ĕçлекен автотранспорт валли компрессор станцийĕсем тăвас ыйтăва пăхса тухнă. Канашлăва «Газпром газомоторное топливо» общество /Хусан/ филиалĕн директорĕн заместителĕ А.Карпов, Шупашкарти транспорт организацийĕсен представителĕсем хутшăннă.

— Автотранспорта çут çанталăк газĕпе йышлăрах ĕçлеттерессипе çыхăннă федераци программине республика хастар хутшăнать. Вăл — автомобиль транспортне аталантарма пулăшакан чи малтан пурнăçламалли тĕллевсенчен пĕри, — тенĕ В.Доброхотов.

Çĕртме уйăхĕн 1-мĕшĕнче Республика Пуçлăхĕ Михаил Игнатьев Шупашкарти çул çитменнисен реабилитаци центрĕнче Ачасене хÿтĕлемелли пĕтĕм тĕнчери куна халалласа йĕркеленĕ уява хутшăнчĕ. Ăна центр директорĕн тивĕçĕсене пурнăçлакан Ольга Еремина, картишĕнче зарядкăна тăнă ачасем кĕтсе илчĕç.

ЧР ял хуçалăх министрĕ Сергей Артамонов ертсе пынипе республикăри ăратлăх енĕпе ĕçлекен "Чувашское" АУОра патшалăх ветслужба специалисчĕсен, зоотехник-селекционерсен канашлăвĕ иртнĕ.

Голштин ăратлă вăкăрпа чуптарнă ĕнен продуктивлăхĕ ÿсни, патшалăх пулăшăвĕ тĕллеве пурнăçлама пысăк витĕм кÿни çинчен калаçнă. "Чувашское" специалисчĕсен шухăшĕпе — республикăри ĕне кĕтĕвне йăлтах ăратлă вăкăрăн вăрлăхĕпе пĕтĕлентерсе çĕнетсен 2020 çул тĕлне хуçалăхсенче çулталăкри сăвăм кашни ĕне пуçне вăтамран — 7500 килограма, çупа белок хисепĕ 4 тата 3,2 процента çитмелле.

Çу уйăхĕн 31-мĕшĕнче Чăваш Ен Пуçлăхĕ Михаил Игнатьев Министрсен Кабинечĕн Председателĕн заместителĕпе — экономика аталанăвĕн министрĕпе Владимир Аврелькинпа тата Шупашкар хула пуçлăхĕпе Леонид Черкесовпа тĕп хуламăрти суту-илÿ предприятийĕсене çитсе курнă.

Ытларикун Чăваш Ен Пуçлăхĕ Михаил Игнатьев РФ Генеральнăй прокурорĕн заместителĕ Сергей Зайцев ертсе пынипе иртнĕ ведомствăсен пĕрлехи селектор канашлăвне хутшăннă.

Професси уявне спорт ăмăртăвĕ ирттерсе паллă тăвакансем йышлă мар. Чăваш Ен адвокачĕсенчен тĕслĕх илме пулать: ытларикун вĕсем ЧР Адвокатсен палатин пĕрлĕхĕсен хушшинчи çăмăл атлетика тата мини-футбол турнирне Шупашкарти «Энергия» стадиона пухăнчĕç. Спорт уявне Раççей Адвокатура кунне халалланă.

Чăваш Республикин Правительствин Пĕтĕм Раççей ял хуçалăхĕн 2016 çулхи çыравне йĕркелесе ирттерес енĕпе ĕçлекен комиссийĕн ЧР Министрсен Кабинечĕн Председателĕ Иван Моторин ертсе пынă черетлĕ канашлăвĕнче çĕршыв пĕлтерĕшлĕ мероприятие пирĕн хутлăхри муниципалитет районĕсем тата хула округĕсем епле кĕтсе илессипе çыхăннă ыйтусене сÿтсе яврĕç. Комисси членĕсене çакăн пирки Федерацин патшалăх статистика службин территори органĕн ертÿçи Эльвира Максимова тата ЧР ял хуçалăх министрĕ Сергей Артамонов пĕлтерчĕç.

Тĕрлĕ тытăм кăтартăвĕ — хăйне май