Республикăри суд приставĕсем пĕлтĕр парăма кĕнĕ çынсемпе предприятисенчен 4 млрд ытла тенкĕ шыраса илнĕ, çав шутран 2 млрд яхăнăшне бюджета хывнă. Кун пирки Суд приставĕсен федераци службин Чăваш Енри управленийĕн ертÿçи Анатолий Иванов тытăмăн коллегийĕн ларăвĕнче пĕлтернĕ.
Интернетра тĕрлĕ конкурс иртет. Соцсетьсенче регистрациленнĕ çамрăксем вĕсене хаваспах хутшăнаççĕ. Пирĕн ентеш, Патăрьел пики Валентина Горбунова, Пĕтĕм Раççейри «Оn-line Илем” конкурсра мала тухнă.
1961 çулхи чÿкĕн 5-мĕшĕ Сĕн-тĕрвăрри районĕнчи Хуракассисемшĕн ĕмĕрлĕхех хура кунпа палăрса юлнă — ялти шкулта алхаснă пушарта 106 ачапа 4 вĕрентекен çунса кайнă. Ку инкек пирки эпир пĕлтĕрхи юпа уйăхĕн 15-мĕшĕнче тухнă номерте тĕплĕн çырса кăтартнăччĕ. «Вăхăт тÿрлетми суран, е 54 çул каялла пушарта çуннисем хÿтлĕх тупайманни çинчен» статья кун çути курни ял çыннисене Илменкасси масарĕнчи тăванла вилтăпри çинче Асăну комплексĕ уçма хавхалантарнă.
Вăрçăнмасăр, нимĕн пайламасăр уйрăлнă мăшăрсем пур-ши? Темшĕн ытларах çемье арканнă хыççăн упăшкипе арăмĕ пулнă çынсем тăшмана çаврăнаççĕ. Халĕ каласа кăтартма тĕв тытнă пăтăрмаха тĕпе хурса хăть кино ÿкер — сюжечĕ сериалтинчен пĕртте кая мар.
Суда панă
Ача чухне чылайăшĕ артист пулма ĕмĕтленет. Манăн та сцена çинче пĕр-пĕр сăнара калăпласа залра ларакансен чунне тыткăнлас килетчĕ. Артистсене питĕ ăмсанаттăм. Вĕсем сĕтлĕ кÿлĕре ишеççĕ тесе шухăшлаттăм. Анчах пурнăç тути-масине астивнĕ хыççăн ун пек каламастăп.
Тутар Республикинчи Çĕпрел районĕнчи Шланкă ялĕнче çуралса ÿснĕ Резида Шăмăршă тăрăхĕнчи Палтиел йĕкĕтне качча килнĕ чухне Зиле 12 çулта кăна пулнă. Пурăна киле Зиле кÿршĕ каччипе çемье çавăрнă çамрăк хĕрарăмпа туслашнă. Унтанпа вĕсем яланах пĕрле.
Палтиел ялĕнче пурăнакан Гузелийăпа Зефер Афиатулловсем çемье çавăрсан вĕсенчен телейлĕ çын пулман: иккĕшĕ те çамрăк, вăй-хал тапса тăрать. Хулана кайма шухăшламан вĕсем. Тăван тăрăхрах тĕпленсе ял пуласлăхĕшĕн тăрăшнă. Гузелия Хатыповна медсестра ял халăхне сипленĕ, мăшăрĕ колхоз ĕçне кÿлĕннĕ.
Ялта тĕпленекен çамрăксенчен чылайăшĕ тăван тăрăхри сывлăшпа сывласан кăмăл хăпартланнине, хулара пĕр кун та пурăнайманнине палăртаççĕ. Вĕсен шухăшĕпе, ялта укçа ĕçлесе илмелли май чылай. Шăмăршă районĕнчи Ярăславра пурăнакан Розовсем выльăх-чĕрлĕх усраççĕ.
2013 çул вĕçĕнче Канаш районĕнчи Киров ячĕллĕ хуçалăх Атнашра 200 пуç усрамалăх ĕне ферми хута янă. Унта çамрăксем йышлăн ĕçлени çинчен пĕлсен эпир те кĕрсе куртăмăр.
Пăрчăкан
Чăвашла верси
Русская версия
