Archive - 15 Пуш, 2016

«Хула администрацийĕн пуçлăхĕ хушнипе çулсене юсакансем çанă тавăр­сах ĕçе кÿлĕннĕ. Ĕç кунĕсенче çулсем çинчи шăтăксене ултă бригада таран саплать. Юсав ĕçĕсем кану тата уяв кунĕсенче те чарăнмаççĕ», — пĕлтерет тĕп хула администрацийĕн пресс-служби. Иккĕленместĕп, хваттертен тухмасăр килте кăна ларакан çын суйлав çулталăкĕнче хула влаçĕсен сумĕпе хисеп­не çирĕплетме пулăшмашкăн тивĕç çак пĕлтерĕве вуласан пуçлăхсене пуç тайса тав тума та хатĕр пуль: «Вăт, халăхшăн еплерех тăрăшаççĕ!» Анчах килтен тухсан вара, шел те, урăхларах ÿкерчĕк курса тарăхатăн.

Ĕнер Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе Правительство çуртĕнче канашлу ирттерчĕ.

Çăкăр çитерекен, пурнăçа сыпăнтарма пулăшакан трактора Леонид Канясев пĕчĕк ача пекех юратса пăхать. Урăхла пултараймасть вăл.

Республикăн Аслă сучĕ Шупашкарти "Алза" ООО директорĕ С.Лаврентьев, тĕп бухгалтерĕ Е.Алексеева тата кадрсен пайĕн пуçлăхĕ А.Скворцова тĕлĕшпе судăн пĕрремĕш инстанцийĕ палăртнă приговора улăштарнă. Виççĕшне те условнăй майпа ирĕклĕхсĕр хăварма йышăннă.

Чăваш Ен федерацин «Чĕрĕ уроксем» проектне сăнавлă регион пулса хутшăнать.

Хăйĕн çинчен каласа кăтартнă чухне: «Журналист мар-тăк космонавт пулаттăм», — терĕ те — çырас туртăмĕ ăна космоса вĕçсен те канăç памĕччĕ-тĕр. Ачаллах вăраннă пултарулăх çитĕнсе çитсен профессие çаврăнни, пурăна киле ăна урăххипе улăштарманни хăех çак çыншăн журналистика кун-çул тĕшшине тĕвĕлекен пĕлтерĕшлĕ пайсенчен пĕри пулнине çирĕплетет. Сăмахăм — Чăваш Республикин Журналистсен союзĕн ертÿçи, Чăваш кĕнеке издательствин директорĕ, Раççей Федерацийĕн тата Чăваш Республикин культурăн тава тивĕçлĕ ĕçченĕ Валерий Петрович КОМИССАРОВ çинчен.