Вăхăт урхамахне чараймăн. Туйăмсен вылявне кура вăл хăш чух пурнăç уйĕ тăрăх сиккипе чупать, тепĕр чух утăм хыççăн утăм аран тăвать. Акă Литература çулĕн алăкне тулли кăмăлпа хупрăмăр та Кино çулталăкĕн хапхине уçрăмăр. Мĕн кĕтет пире кăçал? Чăваш киновĕн малашлăхĕ мĕнлерех-ши?
Эсир асăрханă-и? Пĕтĕмĕшле илсен, иртнĕ ĕмĕрĕн 30-мĕш çулĕсенче кулаксен йышне кĕртнĕрен шар курнисен йăхĕнчисемех çĕнĕ саманара ура çине çирĕп тăчĕç, кил-çуртне хăтлăлатрĕç, чылайăшĕ харпăр ĕç пуçарса аталанчĕ. Тĕлĕнме кирлĕ мар - вĕсенчен ытларахăшĕн тар тăкса ĕçлесси, мула пĕрчĕн-пĕрчĕн пухасси юнра.
Килте страус усрасси çинчен Аслă Елчĕкре пурăнакан Казначеевсем чылай хутчен калаçу çĕкленĕ. Çапах витене экзотика кайăкĕн чĕпписем çитиччен арăмĕ ку сăмах чăнлăха çаврăнасса ĕненсех кайман. Арçын вара каланă - тунă: утă уйăхĕнчи илемлĕ пĕр кун Интернетра тупнă адреспа Самар облаçне тухса вĕçтернĕ.
«Чи хакли - яш ĕмĕр», - тенĕ чăвашсен паллă поэчĕ Митта Ваçлейĕ. Чăнах та, çамрăк чухне сывлăх та вĕри кăвар пекех хĕмленсе тăрать, кăмăл-туйăм та яланах çĕкленÿллĕ, ĕмĕтсем вара тухăçăн сенкер сăпкинче ярăнса хăпаракан хĕрÿ хĕвел пекех çутă. Ял-хулари çамрăксен вăй-халне, пархатарлă хавхаланăвне пĕр тĕвве пĕрлештерсен мĕнле кăна ырă ĕç тума пулмасть-ши?
Эпĕ унпа туслашнăшăн вышкайсăр савăнатăп. Айгиз Баймухаметовпа Хусанта пĕлтĕрхи ака уйăхĕнче иртнĕ тĕрĕк тĕнчин çамрăк çыравçисен форумĕнче паллашрăм. Тăватă куна тăсăлнă тĕнче шайĕнчи мероприятире эпир иксĕмĕр тĕрĕк чĕлхисене упраса хăвармалли çинчен те, çамрăк çыравçă сахалли пирки те калаçрăмăр.
о В сочетании с медом снижают давление.о Пылпа пĕрле юн пусăмне чакараççĕ.1. Шăл туни юнăхать-и? Роза чечекĕн настойкипе чÿхемелле. 100 грамм чечеке 1 литр шурă эрехе ямалла, тĕттĕм вырăнта вăхăт-вăхăтпа силлесе 21 кун лартмалла, сăрăхтармалла. Унпа çăвара кунне темиçе чÿхемелле.
2. Пародонтоз чухне алоэ сĕткенĕпе примочка хуни ырă витĕм кÿрет. Унра йĕпетнĕ бинт татăкне чирлĕ шăл туни çине хумалла. Процедурăна каланхоэ сĕткенĕпе те тума юрать. Курс - сывлăх лайăхланиччен.
Чирĕн малтанхи тапхăрĕнче кашни кун тĕрлĕ физкультура хăнăхтарăвĕсем туни усăллă. Ку артроз аталанăвне чарса лартма пулăшать. Анчах чĕркуççи çинче, кукленсе пурнăçламаллисем юрамаççĕ. Ирхине гимнастикăна тытăнас умĕн пĕтĕм мышца-сыппа вăратмалли хусканусем тумалла.
Пĕлтерĕшлĕ
Гимнастикăна вăрах хăвăртлăхпа тумалла. Малтанхи икĕ эрнере кашни хусканăва 4-6-шар хут тумалла. Малашне утмăла та çитерме юрать.
Вăхăт сахалрах пулсан комплексран 10-15 хăнăхтару суйласа илме пултаратăр.
Спортăн хĕллехи енĕсем, уçă сывлăшри вăйăсем сывлăхшăн питĕ усăллă. Кирек хăш ÿсĕмри çынсем те йĕлтĕре уйрăмах килĕштереççĕ. Йĕлтĕрпе ярăнни сывлава йĕркене кĕртме, вестибулярлă аппарата аталантарма, чĕрепе юн тымарĕсен тытăмне çирĕплетме, вăй-хала лайăхлатма, организм тонусне ÿстерме, ура, хырăм мышцисене вăйлатма, артрозран, лапă ураран, урасем варикозла сарăласран, тромбозран хÿтĕленме пулăшать.
Чăвашла верси
Русская версия
