Килти тухтăр

Эмел курăкĕсен шĕвекĕпе халăх медицининче тĕрлĕ чиртен сиплеççĕ. Анчах шывпа хатĕрлени хăвăрт пăсăлнине кура мĕн авалах настойка тума та вĕреннĕ. Настойка нумай вăхăт упранать, вăйлăрах витĕм кÿрет.

Рецепт, сиплев

1. Чи паха чĕртавар кăна илмелле. Ку пысăк пĕлтерĕшлĕ. Курăксем таса, çÿпĕсĕр, лайăх типĕтнĕскерсем /кăмăскасăр, çĕрнĕ пайсемсĕр, тĕксĕм пăнчăсемсĕр/, чĕрри евĕрлĕ, анчах вăйсăртарах шăршăллă /утă шăршиллĕ мар/ пулмалла.

Организмра кальци çитмесен остеопороз /шăмăсем патракланни/ аталанать. Çак чиртен сипленнĕ чухне тухтăр сĕннĕ эмелсене ĕçнипе пĕрлех килти мелсемпе те усă курма пулать.

1. Çарăк çулçи тĕлĕнмелле усăллă. Унра кальци питĕ нумай. Остеопорозпа, шăмăсем, шăлсем çемçелнипе аптракансемшĕн, уйрăмах ачасемпе ватă çынсемшĕн, çарăк çулçин сĕткенĕ паха.