Archive - 28 Кăрлач, 2016

Хăмла пахчи

ШYПАШКАPТИ ТĔП ПАСАРТИ ХАКСЕМ /кăрлач уйăхĕн 27-мĕшĕ тĕлне/

Халăх сăнанинчен

Кока-колăпа усa курса

Кăсăясене мĕн памалла?

2016 çулта пахча ĕçĕсене пурнaçламалли календарь

Калча валли тăпра хатĕрлер

Чăваш Республикин гербĕ çинче те сăнарланнă хăмла. Эппин, пирĕншĕн, чăвашсемшĕн - уйрăмах пĕлтерĕшлĕ ÿсен-тăран. Раççей республикăмăра хăмла çитĕнĕвĕпе пĕлетчĕ. Республикăра хăмла туса илессине лайăх йĕркеленĕччĕ, вăл тупăшлă культурăччĕ. Унпа чăннипех те ытти халăхсен умĕнче мăнаçланма пултараттăмăр.

• Кăрлачра сивĕ, юр сахал çусан çулла шăрăх та типĕ пулĕ, уйăх уяр тăмасть - тыр-пул лайăхах пулмасть.
• Уйăх вĕçнелле тумла пăрĕсем нумайланчĕç-и? Тыр-пул ăнса пулĕ.
• Кăрлачра яланах юр çăвать, тăман вĕçтерет пулсан çулла çумăр час-часах çăвĕ.
• Кăрлач мĕн чухлĕ сивĕрех - çулла пăр çăвас хăрушлăх сахалрах.
• Ула кураксем ушкăнпа çаврăна-çаврăна вĕçеççĕ - çанталăк татах сивĕтет.
• Сивĕре чÿрече тарлать - кĕçех ăшăтать.

• Кастрюле ăнсăртран çун­тартăр-и? Ăна тасатма кока-кола ямалла, çулăм çинче вĕреме кĕриччен тытмалла.
• Кивелнĕ тимĕр укçана кока-колăна ярсан малтанхи тĕсне тавăрма пулать.
• Чейнике тасатмашкăн та çак шĕвекпе усă курмалла - ăна пĕр кунлăх ярса хумалла.
• Сăрланă май çÿç палăртнинчен тĕксĕмрех тĕслĕ пулчĕ-и? Çутăрах тумашкăн кока-колăпа сăтăрмалла çеç.
• Кока-кола унитаза та лайăх тасатать.
• Çÿç валли паха кондиционер - кока-кола. Çÿçе унпа сăтăрмалла, кăштах вăхăтран ăшă шывпа чÿхемелле.

Кăсăясемшĕн хĕлле чи тутлă апат - çу, тăварламан салă тата аш татăкĕсем. Анчах чылай чухне вĕсене çерçисем шуйхатаççĕ. Ула кураксемпе çерçисене ансатрах апат та пырать - апатран юлнă тĕпренчĕксем, тĕслĕхрен. Кунта чеелĕх кирлĕ. Пысăках мар аш, салă татăкĕсене йывăçран кантрапа, пралукпа çакса пама пулать. Кăсăясем - лайăх акробатсем, вĕсем силленсе тăракан сырăшсем çине те çăмăллăнах лараççĕ, хăйсене кирлине илеççĕ.

Килте калча ÿстермелли вăхăт çывхарать. Кĕçех чÿрече янаххисем çинче чечек куршакĕсене сирсех, пăрăç-помидор вăрлăхĕ акнă савăтсем вырнаçĕç.

Калча çитĕнтермелли тăпрана ял çынни кĕркуннех хатĕрлесе хурать-ха. Анчах çакна шута илмелле: тĕрлĕ культура валли тĕрлĕрен тăпра кирлĕ. Пĕтĕмĕшле тăпра пахалăхĕ çакнашкал пултăр: йывăр мар, çемçе, кăпăшка, сывлăш лайăх ярать, нÿрĕк тытать.

Помидор калчине кăшт йÿçенкĕрех тăпра юрăхлă /рН 5,5-6,6/, хăярпа купăстана нейтраллă йÿçеклĕх тивĕçтерет /рН 6-7/, сухана - нейтраллă е кăштах сĕлтĕ /щелочлă/ тăпра /рН 6,5-7/.