Инкеке лекнĕ çынна мĕнле пулăшмалла? Васкавлă медицина пулăшăвне шăнкăравласан чи малтанах мĕн пĕлтермелле? Паян «Хыпар» Издательство çурчĕн ĕçченĕсем пĕрремĕш пулăшу пама вĕренчĕç.
Марина Семенова медик волонтер тип пыра кайнипе аптăранă çынна пулăшу пама, массаж туса чĕрене ĕçлеттерме вĕрентрĕ.
Ĕнер Шупашкарта вăй агрегачĕсен заводĕнче бульдозеристсен чемпионачĕ иртрĕ.
Ăмăртăва Казахстанран, Узбекистанран тата Раççейри 15 регионтан килнĕ 24 çын хутшăнчĕ. Вĕсем Трактор заводĕнче туса кăларнă бульдозерсемпе ăмăртрĕç. Чăваш Ен чысне "Дорэксра" ĕçлекен Владимир Павлов хÿтĕлерĕ. Ăстасен ăсталăхĕпе ЧР Пуçлăхĕ Михаил Игнатьев паллашрĕ.
Чăваш Ен командисем Пĕтĕм Раççейри «Президент ăмăртăвĕсене» хутшăнаççĕ. Тупăшусем Краснодар крайĕнчи «Смена» ача-пăча центрĕнче авăн уйăхĕн 4-26-мĕшĕсенче иртеççĕ.
Йышлă çемьере çуралнă Анна Агашева Тăван çĕршывăн Аслă вăрçи хыççăн фронтран таврăннă Егор Агашева качча тухнă. Мăшăр колхозра ĕçленĕ. Сакăр ача çуратса çитĕнтернĕ те... паянхи куна пĕр ывăлĕ Николай çеç пурăнать. Ыттисем çĕре кĕнĕ. Анна Игнатьевна 30 çул каялла мăшăрне те çухатнă. Хальхи вăхăтра кинемей ывăлĕн çемйипе кун кунлать.
Паян "Мир Луксор" кинотеатрта пĕрремĕш хут "Михаил Сеспель: я мечтатель, идеалист, растяпа" документлă илемлĕ фильм кăтартрĕç. Ăна Мускав режиссерĕ Виталий Баев ÿкернĕ. Çеçпĕл рольне Тăван радио ертÿçи Владислав Московцев вылярĕ. Фильма "Ясна" этнопаркра ÿкернĕ.
Министрсен Кабинечĕн ларăвĕнче маларах кăларнă хăш-пĕр йышăну вăйне çухатнине çирĕплетнипе тата темиçе йышăнăва улшăнусем кĕртрĕç. Чылайăшĕ пирки пысăк пĕлтерĕшлĕ тееймĕн, çапах пĕрин çинчен каласа хăвармаллах.
Министрсен Кабинечĕн ЧР Пуçлăхĕ Михаил Игнатьев ертсе пынипе паянхи ларура экономика аталанăвĕн министрĕ Павел Иванов республикăн 2035 çулчченхи социаллă пурнăçпа экономика аталанăвĕн вăрахлăх прогнозĕпе паллаштарчĕ.
Паян Наци библиотекинче Чăваш халăх поэтне, Раççейри тата тĕнчери сумлă наградăсен: Андрей Белый /1987/, Петрарка /1993/, Пастернак /2000/, Францири Искусствăсемпе Литература Командорĕн /1998/ премийĕсен лауреачĕ Геннадий Айхи çуралнăранпа 85 çул çитнине халалланă Пĕтĕм тĕнчери ăслăлăх-практика конференцийĕ ĕçлерĕ.
Ҫакӑн пек ятпа иртрӗ паян Ҫӗрпӳри культура ҫуртӗнче йӑлана кӗнӗ форум. Ӑна Раҫҫейри урӑлăх куна халалланӑ.
Çу варринчех полицие республикăра пурăнакансен банк картти çинчен укçа-тенкĕ вăрлани çинчен ыйтусем килме тытăннă. ШĔМ ĕçченĕсем çакна тĕпчесе пĕлнĕ: вĕсем маларах интернетри сайтсенче япала сутассипе çыхăннă пĕлтерÿсем вырнаçтарнă иккен. Ултавçă япала туянасшăн пек пулса укçа-тенкĕ куçарма тесе банк карттин реквизичĕсене, тепĕр енчи вăрттăн цифрăсене ыйтса пĕлнĕ. Кăшт вăхăт иртсенех сутуçăсен карттинчи укçа-тенкĕ çухалнă.
Чăвашла верси
Русская версия
