Новости по теме

30 Авăн, 2019

Наркотиксемпе мĕнле кĕрешеççĕ?

Паян Правительство çуртĕнче Чăваш Республикинче наркотиксемпе кĕрешекен комиссин ларăвĕ иртрĕ. Ăна Чăваш Ен Пуçлăхĕ Михаил Игнатьев ертсе пычĕ.

Ларура наркопреступленисен халĕ вăй илсе пыракан тĕсĕсемпе мĕнле кĕрешнине сÿтсе яврĕç. Ку енĕпе мĕнле мерăсем йышăнни пирки ЧР Шалти ĕçсен министерствин наркотиксен çаврăнăшне тĕрĕслесе тăракан управленийĕн пуçлăхĕ Данис Шакуров каласа кăтартрĕ. Вăл кăçал 8 уйăхра регистрациленĕ наркопреступленисен шучĕ пĕлтĕрхи çак тапхăртипе танлаштарсан 2% чакнине пĕлтерчĕ.

Кун хыççăн кун

Хыпар

ларусем

30 Авăн, 2019

Ăсататпăр салтака — Шупашкартан

Паянтан черетлĕ призыв тапхăрĕ пуçланать — кун пирки ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен паянхи канашлура юстици министрĕ Наталья Тимофеева сăмах илчĕ. Çак тапхăрта Чăваш Енрен 1057 çамрăка çара ăсатмалла. Плана пурнăçласси пирки министр иккĕленмест: каччăсен сывлăх юрăхлăхĕн кăтартăвĕ аван, салтака каяссинчен тарса çÿрекенсен йышĕ те республикăра чаксах пырать. Чăн та, çар комиссаритане пыма повестка парайман çамрăксен шучĕ пысăк — 1,7 пин ытла. Çак йыш чакмастьпе пĕрех.

30 Авăн, 2019

Аркатма çăмăл…

Ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура çул-йĕр фончĕн укçипе мĕнле усă курнипе транспорт министрĕ Александр Николаев паллаштарчĕ.

30 Авăн, 2019

Вунă кун — йÿнĕ хакпа

Раççей почти хаçат-журнал çырăнтару хакне вунă кунлăха йÿнетесси пирки пĕлтерет. 2019 çулхи юпа уйăхĕн 3-13-мĕшĕсенче «Хыпар» изадтельство çурчĕн кăларăмĕсене 2020 çулăн I çурринче илсе тăма йÿнĕрех хакпа çырăнма май пур. Çак вăхăтпа усă курса укçа-тенке перекетлеме май килĕ — почтальонпа тĕл пулма васкăр.

30 Авăн, 2019

Газпа — перекетлĕрех

Иртнĕ эрнере Чулхулара федераци шайĕнче газ мотор топливипе анлăрах усă курас ыйтусене сÿтсе явнă, сумлă канашлăва ЧР Пуçлăхĕ Михаил Игнатьев хăй те хутшăннă та — ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлăва Михаил Васильевич çак темăран пуçларĕ. Ку енĕпе республика пирки хальлĕхĕ «уçман çерем» теме те пулать — ĕçлемелле те ĕçлемелле.

27 Авăн, 2019

Пушар-тактика вĕренĕвĕ иртрĕ

Федерацин Атăлçи округĕн Совет Союзĕн Геройĕ А.В.Кочетов ячĕллĕ Чăваш кадет корпусĕнче паян пушар-тактика вĕренĕвĕ иртрĕ. Раççей МЧСĕн подразделенийĕсем хăйсем вут-çулăмпа мĕнле кĕрешме, шар куракансене еплерех çăлма пултарнине кăтартса пачĕç.

27 Авăн, 2019

Çеçпĕл Мишшине халалланă литература каçĕ иртрĕ

Авăн уйăхĕн 25-мĕшĕнче Шупашкарти ял хуçалăх академинче «Поэзи тĕнчи» ятпа литература каçĕ иртрĕ. Уява Чăваш Республикин тава тивĕçлĕ вĕрентекенĕ, Чăваш наци конгресĕн вĕренÿ комитечĕн ертÿçи Геронтий Никифоров тата Сантăр Хучаш юрăç килсе çитрĕç.

26 Авăн, 2019

Канашлу: пĕр ыйту татăлать, тепри сиксе тухать

Чăваш Республикин Пуçлăхĕ çумĕнчи комисси кашни уйăхрах шалу парăмĕсемпе тата ĕç укçине вăхăтра, туллин парассипе çыхăннă ыйтусене пăхса тухать.

25 Авăн, 2019

Юбилее тăван кĕтесĕнче тума тĕв тытнă

Паян СССР халăх артисчĕ, К.В.Иванов ячĕллĕ Чăваш патшалăх академи драма театрĕн илемлĕх ертÿçи Валерий Яковлев çуралнăранпа 80 çул çитрĕ. Валерий Николаевич юбилее тăван кĕтесĕнче - Шăмăршă тăрăхĕнче паллă тума тĕв тытнă. Çавна май Яковлевсен çемйи кăна мар, театр коллективĕн пысăк ушкăнĕ унта тухса кайрĕ.

25 Авăн, 2019

Правительствăра: пĕчĕк шалу хăрушсăрлăха та хавшатать

Министрсен Кабинечĕн ларăвĕсенче вăл е ку министерство хăйĕн иртнĕ çулхи ĕçĕ çинчен отчет тăвать. Ку хутĕнче Граждан оборони тата чрезвычайлă лару-тăру министерствин черет çитрĕ — юнкун Вениамин Петров министр доклад турĕ.