Шуршăлти А.Г.Николаев космонавт летчикăн Мемориал комплексĕнче авăн уйăхĕн 5-мĕшĕнче халăх нихçанхинчен те ытларах пулчĕ. Тĕрĕссипе, унта яланах çын пур-ха. Шуршăл чăвашĕ хăйĕн паттăр ĕçĕсемпе тăван ялне, республикăна чапа кăларчĕ, Çĕр чăмăрĕн пĕр пайĕнче чăвашсем пурăннине тĕнчене пĕлтерчĕ.
Чăн узбек пловне тутанса пăхас килет-и е рецепт вăрттăнлăхĕсемпе паллашас кăмăл пур-и? Çакна Чăваш Енрен тухмасăрах пурнăçлама май пулĕ.
Патшалăх Канашĕн кĕçнерникун иртнĕ черетлĕ 34-мĕш сессийĕнче депутатсем 14 саккун проектне тишкерсе ырларĕç, «Правительство сехетĕнче» сывлăх сыхлавĕн министрне итлерĕç — Владимир Викторов «Сывлăх сыхлавĕ» нацпроектпа килĕшÿллĕн пурнăçланă мерăсем çинчен каласа пачĕ.
Стас Владимиров, Валентина Кузнецова, Алексей Московский, Полина Борисова тата ыттисем. Вĕсене пĕрле час-часах куратпăр-ха — сцена çинче, Правительство çуртĕнче вара — пуçласа. Хăйсем те кăмăллăн палăртрĕç: пире кунта çапла пирвайхи хут чĕнчĕç.
Авăнăн 1-мĕшĕнче КПРФ парти членĕ Инна Нестерова Пушкăртри спутник телекуравĕн каçхи эфирĕнче пĕр кăларăм журналистне, Андрей Иванова, сĕтев панине пĕлтернĕ.
Чăваш Ен Пуçлăхĕ Михаил Игнатьев ĕнер Комсомольски тата Елчĕк районĕсенче ĕçлĕ çул çÿревре пулчĕ.
Республикăн Шалти ĕçсен министерствин Миграци ыйтăвĕсемпе ĕçлекен управленийĕн сотрудникĕсен ĕçне Чăваш Енре пурăнакансем ырласа хаклаççĕ. Çакна çирĕплетекенни — патшалăхăн пулăшу ĕçĕсен порталĕнчи «Сирĕн тĕрĕслев» уйрăма килнĕ тав çырăвĕ.
Раççейре авăнăн 3-мĕшĕнче терроризмпа кĕрешмелли кун тесе палăртнă. Паян Шупашкарта Бесланра 15 çул каялла инкек кÿнĕ трагедие асра тытса Асăну кунĕ иртет.
Авăн уйăхĕн 7-мĕшĕнчен тытăнса республикăра ял хуçалăх продукцийĕн «Кĕр парнисем» ярмăркки ĕçлеме тытăнать.
Промышленноç производствин индексĕ самай пысăкланнă. Çак кăтартăва витĕм кÿнисен шутĕнче - «Трактор завочĕсем» концерн предприятийĕсем. Çулталăк пуçланнăранпа унта 708 çынна ĕçе йышăннă, 2019 çул вĕçленнĕ тĕле çак йыш 1,5 пин çынпа танлашмалла.
Чăвашла верси
Русская версия
