Archive - 9 Çĕртме, 2016 - Çамрăксен хаçачĕ

Лашана та воспитани памалла

Хаярлăх çуратакан мультфильмсем

Шупашкар районĕ каллех малта

Тăлăхсене хăйсенни пек юратаççĕ

Çил-тăвăл алхассан пÿрт чĕтренет

Андриян Николаевăн сăмахĕсене чĕрере упрать

Тивĕçлĕ канăва тухсан вĕренме кĕнĕ

Укçалла çыртарнă диплом пĕлÿ шайне ÿстермест

Хула хĕрĕ яла лаша фермине ĕçлеме кайни ăнсăртлăх та, тĕлĕнтермĕш те мар — Марина Никольскаян чунне çак чĕрчун çывăх. «Пĕрисем — йытă, теприсем кушак юратаççĕ. Эпĕ вара — лаша. Элĕк районĕнчи Мăн Ямашра пурăннă асанне ĕмĕр тăршшĕпех лашасемпе ĕçленĕ, вăрçă вăхăтĕнче Свердловска лав турттарнă.

Кукамăшĕ лавккана апат-çимĕç патне тухсан 5-ри мăнукне хваттерте пĕчченех хăварнă. «Винкс» мультфильм пăхнă хыççăн хĕрача хăйне çунтарса янă. Унăн кĕлеткин 50% пиçсе кайнă. Йывăр сурансене пула Соня Подольская чутах вилмен. Ăна çăлса хăварассишĕн тухтăрсем çине тăрса кĕрешнĕ.

Иртнĕ ĕмĕр варринче Чăваш Енри ялсенчи спортсменсем СССР чемпионачĕсенче пĕр медаль те çĕнсе илеймен.

Хĕрлĕ Чутай районĕнчи Штанашри çамрăках мар хĕрарăм барак умĕнче хурăн вуттине çурнине асăрхасан çывăхарах пытăм. Тин кăна çăва тухрăмăр — мĕн тума кирлĕ ăна вутă? Мунча хутма-ши? Газ кĕртнĕ хыççăн хăшĕ-пĕри вутă хăçан çурнине те манма ĕлкĕрчĕ пулĕ.

Чăваш та ытти халăх пекех Мускава юратать. Чылайăшĕ пысăк укçа, ытлă-çитлĕ пурнăç шыраса Раççейĕн тĕп хулине талпăнать. Анчах, манар мар, Мускав куççуле ĕненмест. Хăшĕ-пĕрине çак çула ачашласа сăпкара сиктерет, теприсене вара тăван тăрăха пушă кĕсьепе ăсатать. Паян Мускавра пин-пин чăваш тĕпленнĕ.

«Ĕмĕр пурăн, ĕмĕр вĕрен» — тенĕ ваттисем. Çакна Етĕрне районĕнчи Уйкас Асламасра çуралса ÿснĕ Ольга Громова мĕн пĕчĕкренех ăса хывнă. Тивĕçлĕ канури хĕрарăм И.Н.Ульянов ячĕллĕ Чăваш патшалăх университечĕн вырăс тата чăваш филологийĕпе журналистика факультетне вĕренме кĕнĕ. Аслă вĕренÿ заведенине кирек мĕнле ÿсĕмрине те илеççĕ. Совет саманинче çеç куçăн майпа вĕренекенсен йышне 35 çултан аслăраххисене йышăнман. Халĕ студент сакки çине 17 çулти çамрăкпа пĕрле 70-тисем те лараяççĕ.

Студент сессирен сессиччен хаваслă пурăнать. Халĕ вĕсен хĕрÿ тапхăр пуçланчĕ. Пĕрисем зачет тытаççĕ, теприсем экзамен ыйтăвĕсене тĕшмĕртеççĕ, виççĕмĕшĕсем диплом çыраççĕ. Чÿречене уçса: «Халява кил», — тесе кăшкăракансем, ахăртнех, ăнасса шанаççĕ. Юлашки вăхăтра студентсен пурнăçĕ чылай çăмăлланчĕ. Тĕнчене ярса илнĕ серепере рефератран пуçласа практика отчечĕпе билетсен хуравĕсем таранах тупма май пур. Студентсене пулăшас тĕллевпе Интернетра ятарлă сайтсем йĕркеленĕ. Вĕсем хĕр-упраçпа яш-кĕрĕме илĕртме тĕрлĕ май шыраççĕ.