Archive - Apr 2014 - Чăваш хĕрарăмĕ

апреля 26th

Шăпа çул кăтартса пырать пире. Пĕлтĕр, Чăваш наци конгресĕ йĕркелекен Аслă Пуху умĕн, Украинăри йăхташăмăрсем патне çыру янăччĕ. Çакăнти ентешсене пĕр тытăма пĕрлештернĕ Надежда Лисовая çийĕнчех сас пачĕ. Шупашкара килмессерен çĕнĕ шухăш тĕвĕленни, хăват хушăнни пирки сăмах хускатрĕ вăл.

Патăрьел районĕнчи Çĕнĕ Ахпÿртри тулли мар вăтам шкул директорĕ Анастасия Бахматова 2012-2013 вĕренÿ çулĕ пуçланиччен истори, общество пĕлĕвĕ учительне шыраса район администрацийĕн вĕренÿ уйрăмне ыйту хăварнă. Шкул ертÿçи патне çав кунах шăнкăрав килнĕ: учитель тупăннă иккен.

Иртнĕ тунти кун «Учительсен вăтам ĕç укçи» темăпа ЧР вĕренÿ министрĕн тивĕçĕсене пурнăçлакан Светлана Петрова брифинг ирттернĕ. Вĕрентекенсен шалăвне пĕчĕклетни пирки сас-хура сарăлни хальхинче тĕл пулу йĕркелемелли сăлтава çаврăннă. Пуш уйăхĕнче ĕç укçине, кăрлач-нарăсрипе танлаштарсан, пĕчĕкрех илнĕ май учительсем пăшăрханса ÿкнĕ-мĕн. Светлана Владимировна ыйтăва тĕплĕн уçăмлатса панă.

Сусăрсене патшалăх кăна мар, общество та айккинче сирсе хăвармасть. Вĕсем шăпа кӳрентернисене йĕркеллĕ пурнăçа тавăрас, сыввисемпе пĕрле хутшăнтарас тĕллевпе ĕçлеççĕ. 2012 çулта ЧР Сывлăх сыхлав министерстви, республикăри Хĕрарăмсен канашĕ, Чăваш патшалăх пукане театрĕ «Искусство терапийĕ» пĕрлĕхлĕ проект хатĕрлерĕ.

Эх, канăç çук çав арçынсенчен! Паллашу кĕтесне пĕлтерÿ панă хыççăн пĕр вĕçĕм шăнкăравлама пуçларĕç. Кур-ха - никам та пĕччен пурăнасшăн мар, пурне те мăшăр кирлĕ. Мĕншĕн хальччен авланман-ши вĕсем? Мана шыранă пулинех. Хваттерте пурăнатăп терĕм те... Хайхисем тÿрех хăш урамра тĕпленнине пĕлесшĕн. Хальлĕхе мăнаки патĕнче выртса тăратăп. Кайран упăшкан килне куçасшăн.

апреля 19th

Çуллахи каникулта чылайăшĕ ачи-пăчине лагере ăсатма тăрăшать. Çемьесене патшалăх çулсеренех çăмăллăхлă путевкăпа тивĕçтерет. Кăçал çак тĕллевпе бюджетран 578,5 млн тенкĕ уйăрма палăртнă. Путевка хакĕ 11748 тенкĕ, çемье тупăшне кура /ăна справкăпа çирĕплетмелле/ ашшĕ-амăшĕ унăн 20%, 30%, 50% кăна тÿлет. Кунсăр пуçне шкулсенче те кăнтăрлахи лагерь ĕçлет, унта 25 пине яхăн ачан канма май пулĕ. Палăртмалла, бюджетран уйăракан путевкăсен хисепĕ те, укçа-тенкĕ те çулсеренех 10% ÿсет.

Чăваш Ен «Спортпа чи туслă регион» ята тивĕçнинче район центрĕсенчи физкультурăпа сывлăх комплексĕн тÿпи те пурах. Апла тăк вĕсене хута ярас тĕллевпе мĕльюншар тенкĕ тăкаклани харама каймарĕ темелле. ФСКра канмалли кунсенче, ĕç хыççăн çын туллиех. Эрне варринче, кăнтăрла, мĕнле-ши?

Йĕпреç районĕнчи Ирçе Çармăс ялне çула тухнă май машина чÿречинчен тинкеретĕп. Йĕри-тавраллах вăрман кунта. Хĕл ыйхинчен вăранакан йывăçсем, яштака та ĕмĕрĕпех ешĕл хырсем илĕртеççĕ, çамрăк хурăнсем чипер хĕрсем евĕр курăнаççĕ... Чим-ха, мĕн пулнă вĕсене?

Элĕк районĕнчи Тавăтри «Пучах» ача сачĕ уçăлнăранпа 30 çул иртрĕ. Унăн ĕçне 28 çул Маргарита Алексеева йĕркелесе пырать. Шкул çулне çитмен тĕпренчĕксене аталантарма, воспитани пама сахал мар вăй хураççĕ кунта. Педагогсем шăпăрлансен тавра курăмне вăйă урлă анлăлатаççĕ.

Pages