Archive - Apr 2014

апреля 30th

Вулакансем вăрлăха мĕнле хутаçра, савăтра упрасан лайăхрах-ши тесе час-часах ыйтаççĕ.

Тĕрлĕ пахча çимĕç вăрлăхне полиэтилен хутаçра тытсан, ахаль хутаçрипе танлаштарсан, шанчăклăрах сыхланса юлать тесе палăртаççĕ. Мĕншĕн тесен кун пек чухне вăрлăха нÿрĕк витĕм кÿреймест.

Эпир илекен тухăç тăпраран нумай килет. Тăпра вăл - çĕрĕн çиелти сухалакан пайĕ, çав вăхăтрах ÿсен-тăрана кирлĕ пек çитĕнме пулăшакан минерал хутăшĕсен тата нÿрлĕх çăл куçĕ. Минерал япалисем /азот тăварĕсем, кали, фосфор т.ыт.те/ çителĕксĕр тĕк, йывăç-курăк начар çитĕнет, çавăнпа унăн тухăçĕ те сахал.

Ахăртнех, пуш уйăхĕн 25-мĕшĕнче «Модный приговор» телекăларăма пăхсан чылайăшĕ тĕлĕнчĕ. Ара, ялта çуралса ÿснĕ чăваш хĕрĕсем унта хутшăнни ку таранччен пулманччĕ. Элĕк районĕнчи Яккушкăнь ялĕнче кун çути курнă, халĕ Мускаври пĕр колледжра социаллă педагогра ĕçлекен Людмила Куртовская телекăларăмра ÿкерĕнме ĕмĕтленнĕ.

Ака уйăхĕн 26-мĕшĕ - Пĕтĕм тĕнчери радиаци аварийĕсемпе катастрофăсенче хур курнисене асăнмалли кун. Çак куна ахальтен мар суйланă. Ăна Чернобыльти атом электростанцийĕнчи хăрушă аварипе çыхăнтараççĕ. Вăл 1986 çулта пулнă. Аварие сирме Чăваш Енрен 1976 çын кайнă.

Вун-вун, çĕр-çĕр çул каяллахине эпир аслă ÿсĕмрисен аса илĕвне итлесе, кĕнекере, хаçат-журналта çырнине вуласа, кинофильмсем пăхса çеç пĕлеетпĕр. Историксемпе тĕпчевçĕсем, ăсчахсемпе археологсем шырав ĕçĕсем иртнĕ çулсемпе ĕмĕрсем çинчен пĕтĕмлетÿ тăваççĕ, çырса хăвараççĕ, тупнă япаласене упрамашкăн музейсене параççĕ.

Тăван çĕр-шывăн Аслă вăрçи кĕрлеме чарăннăранпа кĕçех 69 çул çитет. Питĕ шел, хăрушăран та хăрушă çав вăхăта чăтса ирттернисен, мĕн тÿснине-курнине чĕррĕн каласа паракансен йышĕ çулран-çул сахалланать.

Pages