Archive - 18 Ака, 2014

Ака уйăхĕн 12-мĕшĕнче Чăваш патшалăх филармони залĕнче XV «Кĕмĕл сасă» фестиваль-конкурс иртрĕ.

Çĕр çинче темĕн тĕрлĕ чĕр чун та, кайăк-кĕшĕк те пур. Тĕпчевçĕсем, ăсчахсем тупса палăртайманнисем тата мĕн чухлĕ-ши? Шел те, кашнинех курма май çук.

Ака уйăхĕн 10-мĕшĕнче Вăрмар район сучĕ Тăвай районĕнче пурăнакан 19 тата 20 çулсенчи çамрăксен тĕлĕшпе пуçарнă уголовлă ĕçе пăхса тухнă. Вĕсене ют çын пурлăхне хапсăннăшăн тата сăтăр кÿнĕшĕн айăплаççĕ.

Культура çулталăкне халалланă рубрикăна малалла тăсатпăр. Вулаканăмăрсене клубсăр ял шăпипе паллаштарас тĕллевпе хальхинче Муркаш районне çитрĕмĕр. Юнкă ял тăрăхне кĕрекен Кăпасри культура çурчĕн шăпи республикăри вун-вун кунашкал учрежденин кун-çулĕпе пĕрешкел. Ăна 1949 çултах çĕкленĕ.

Чăваш Республикинче пурăнакансенчен ытларахăшĕ православи тĕнне пăхăнать. Пĕрисем Турă пуррине ĕненеççĕ, унăн саккунĕсемпе пурăнаççĕ, теприсемшĕн вăл çук, çавăнпах сăтăр тăваççĕ. Вĕсем пачăшкăсене хур кăтартаççĕ, чиркÿсене, хĕрессене пăсаççĕ.

Ăста алăран кирек мĕнле ĕç те хăранине Шăмăршă районĕнчи Васан ял тăрăхĕнче пулсан тепĕр хут ĕнентĕм. Виçĕ ялта пурăнакансен хушшинче ылтăн алăллисем чылаййăн. Ĕçпе канăва шайлаштарса пурăнма пĕлекенскерсем чун киленĕçĕ валли те вăхăт яланах тупаççĕ.

«Пурнăç пурăнасси уй урлă каçасси мар», - тенĕ авалтан. Чăнах та, умра мĕнле çул выртнине кашнинчех вăхăтра ăнланаймăн, тавçăраймăн. «Лаша тăватă ураллă пулсан та такăнать», - çакăн пек каларăш та çÿрет халăхра. Этем çинчен мĕнех калайăн? Тикĕс çулпа пынă чухнех такăнасси кирек камăн та пулать.

Чăваш Енри чылай район-хулара хĕллехи Олимп вăййисен сезонне савăнăçлă лару-тăрура пуш уйăхĕн иккĕмĕш çурринче хупрĕç. Хăш-пĕр биатлонистпа хоккеист вара хăйсен илемлĕ те çăмăл мар тумне çак кунсенче кăна хыврĕç. Малалла вулас...

Юлашки çулсенче халăх телевизор умĕнче ларма кăмăллани, клуба тухма юратманни пирки чылай ял-салара илтме пулать. Муркаш районĕнчи Юнкăсем вара пачах тепĕр май калаççĕ. «Халăх фонограммăран ывăннă. Çынсем чĕрĕ сасса илтесшĕн, спектакль курасшăн», - çирĕплетеççĕ вĕсем.