ЧР Пуçлăхĕн тивĕçĕсене вăхăтлăх пурнăçлакан Олег Николаев кил хуçалăхĕсенче ĕне усраса çемьесем куракан тăкакăн пĕр пайне саплаштармашкăн Чăваш Ен бюджетĕнчен 185 млн тенкĕ уйăрма йышăнчĕ. Пулăшу условийĕсене ЧР Ял хуçалăх министерстви хатĕрлесе Правительствăра сӳтсе явнă. Аса илтеретпĕр: пĕр ĕнешĕн - 2300, икĕ ĕне тытсан кашнишĕн — 3300, виçĕ тата ытларах усрасан кашнишĕн 4300 тенкĕ.
«Эпир — пуянсем, мĕншĕн тесен пысăк хваттерте выляса çитĕнетпĕр. Мĕн кирли — йăлтах пур», — мăн çынсем пекех калаçаççĕ Васильевсен ачисем Тимурпа Влада. Вĕсем ашшĕ-амăшĕпе пĕрле тара илнĕ хваттерте пурăннине лайăх ас тăваççĕ. Çавăнпах пысăккипе пĕчĕккине, çĕннипе киввине танлаштарма пултараççĕ. Хăйсене ятăн кĕтес пурри çамрăк çемьешĕн чи пысăк савăнăç мар-и?
Канаш районĕнчи Энтрияльте виçĕм çул çÿллĕ те капмар çурт çĕкленсе ларнă. Унта Анжела Мефодьева амăшĕпе Светлана Георгиевнăпа тата тăватă ачипе пурăнать. «Пирĕн кил хуçи çеç çук, ытти веçех пур», — терĕç хĕрарăмсем.
Тăваншăн тăван кермен хывнă
Авăнăн 18-мĕшĕ Элĕк районĕнчи Тавăтри Саватинсемшĕн, ахăртнех чи телейлĕ кун пулса тăнă. Нумай ачаллă çемье патшалăх туса панă хăтлă та çĕнĕ çурт алăкне уçнă.
Чăвашла верси
Русская версия
