Archive - 2017 - Хыпар

Ывăлĕ — ашшĕ çинчен

"Анисим Асламас май пуррипе çуккине пăхмасăрах кирек ăçта та кĕвĕ хайланă. Унăн архивĕпе паллашнă май кивĕ, вырăнăн-вырăнăн тĕсне çухатнă нота хучĕ тĕлне пултăм. Вăл яланах кĕвĕ хăçан тата ăçта çуралнине кăтартнă. Тĕслĕхрен, "Мускав — Свердловск пуйăс, 2-мĕш çÿлĕк", — çырни пур, унтан кунне тата çулне палăртнă. Е тата: "Мускав хули, "Ударник" кинотеатра кĕрекенсен черетĕнче, 1958 çул". "Çеçпĕл" оперăн хăш-пĕр эпизочĕ 60-мĕш çулсен вĕçĕнче больницăра çырăннă.

РФ Президенчĕн Владимир Путинăн 2015 çулхи нарăс уйăхĕн 21-мĕшĕнчи указĕпе килĕшÿллĕн патшалăх уявĕсен шучĕ ÿснĕччĕ. Çакна кашниех ас тумасть-тĕр. Ара, халĕ куллен тенĕ пек праçник те... Патшалăх шайĕнче çирĕплетменнисем мĕн чухлĕ тата! Çамрăксем, уйрăмах пурнăçне студентсен отрячĕсемпе çыхăнтарнăскерсем, мĕнле уяв пирки сăмах пынине чухларĕç-тĕр. Ара, çулпа çап-çамрăк уяв шăпах Раççейри студентсен отрячĕсен кунĕ-çке. Ăна нарăс уйăхĕн 17-мĕшĕнче паллă тăваççĕ.

Нумай амăшĕ пекех эпĕ те хамăн телее ачара тупрăм, ĕмĕтсене те унпах çыхăнтартăм. Ăна пĕчĕкрен лайăххипе япăххине уйăрма, ĕçе хăнăхтарма ăнтăлтăм. Анчах яланах эпир палăртнă пек пулмасть çав. Тепĕр чухне хавшакрах ача та çуралать. Апла пулин те ашшĕ-амăшĕн яваплăх туйăмне çухатмалла мар. Ачан шăпи паллă мар пулин те аслисен унăн пурнăçĕшĕн кĕрешмелле.

Хисеплĕ «Чăваш хĕрарăмĕ» редакцинче ĕçлекенсем!

Хаçата кашни çулах çырăнса илетĕп. Интересленсе вулатăп та хăш чухне темччен шухăша кайса ларатăп. Чăваш хĕрарăмĕсем терт-нуша кураççĕ, çав вăхăтра арçынсем ырлăхра пурăнаççĕ. Ĕçлесе çемьене тăрантармалла-и, ачасене садике леçмелле-и, шкула ăсатмалла-и, чирлесен эмел памалла-и — ним çинчен те шухăшламаççĕ. Пурте пĕрешкел мар паллах.

Пĕлĕшĕм туя чĕнчĕ: университетăн медицина факультетĕнче вĕренекен кĕçĕн хĕрне качча парать иккен. Шавлă туй Шупашкарта, хăтлă ресторанта иртмелле. Чылай хушă пулманччĕ хулари ресторан-столовăйри туйра. Хамăрăн та авлантармалли-хĕр памалли пур та кăштах опыт пухас, çынсенчен вĕренес тесе мăшăрăмпа çула тухас терĕмĕр.

Инкек пулнă вырăнта арçын малтанах: "Ан вил! Пурăн!" — тесе кăшкăрнă-ха, темиçе минутранах вара йывăр аманнă арăмне руль умĕнче вăл пулнине çирĕплетме ыйтнă...

Кăçалхи нарăс уйăхĕн 8-мĕшĕнче Вăрмар район сучĕ 27 çулти хĕрарăма икĕ çулти ывăлĕ тĕлĕшпе ашшĕ-амăшĕн прависĕр хăварнă.

Тăвай район администрацийĕ район прокуратурине ыйтупа тухнă, ачине пăхман амăшне ашшĕ-амăшĕн правинчен хăтарма, ăна алимент тÿлеттермелле тума ыйтнă.

«Маттур та эсĕ», — куç хĕсетĕп хама тĕкĕртен. Йăл куллăм та чеен курăнать пек. Çук, ăсран тайăлман эпĕ. Темиçе уйăх каялла кăна-ха урама тухас умĕн çеç тĕкĕр умне тăраттăм. Халь-и? Хама вăрçатăп çакăншăн. Хама хам килĕшмесен ыттисене мĕнле килĕшме пултарăп-ши?

«Атя, юрать ĕнтĕ мана», — теместĕп текех. Тĕрĕсрех, çакнашкал кичем шухăшсене Сашук «кăкласа» кăларчĕ. Ăнсăртран паллашса кайрăмăр унпа. Унăн тăван тăрăхне ĕçпе кайнăччĕ. Сăмах хыççăн сăмах... Юлашкинчен пĕр-пĕрин визиткисемпе ылмашăнсах сыв пуллашрăмăр.

Тюмень облаçĕнчи йăхташăмăрсем асатте-асанне йăли-йĕркине май пур таран упрама, тытса пыма тăрăшаççĕ. Чăвашлăх туйăмĕ пĕр тĕвве пухать аякри тăванăмăрсене.

Акă Çăварние те вĕсем йышлăн пухăнса хаваслăн ирттересшĕн. Пысăк та анлă уява ирттерме, тута-çăвар тăрăх çу юхтара-юхтара икерчĕ çиме вĕсем Исетски районĕнчи Шорохово ялĕнче пухăнасшăн.

Эпĕ «Чăваш хĕрарăмĕ» хаçата нумай çул çырăнса илетĕп. Çавăнпа хамăрăн ансамбль çинчен каласа кăтартмасăр пултараймастăп.