Archive - 26 Авăн, 2015 - Хыпар

Пурнăçра хĕрарăм пысăк вырăн йышăнать. Арçыншăн - уйрăмах. Юратупа, пĕр-пĕрне ăнланнипе, килĕштерсе пурăннипе, çемьене тытса пынипе хаклă вăл. Арçынсене хÿтĕлеместĕп. Эпир вăйлă пулсассăн - хĕрарăм чеерех те ăслăрах.

- Вăрçă пуçланнă куна питĕ лайăх астăватăп. Ир-ирех тăрса уя ыраш çумлама кайнăччĕ. Яла хĕвел анаспа кăна таврăнтăмăр. Çитрĕмĕр те - пурте пуçĕсене уснă, хурлăхлă, «вăрçă пуçланнă» тесе йĕреççĕ çынсем. Пирĕн те куççуль юхса анчĕ. Каçхине вăййа тухасси те пĕтрĕ.

Сентябрь уйăхĕн икĕ кунĕ - 13-мĕшĕпе 19-мĕшĕ - тăван республикăмăршăн çав тери пысăк пĕлтерĕшлĕ икĕ пулăмпа асра юлĕ. Малтанхинче республика ертÿлĕхĕн, вырăнти влаç тытăмĕн тата хула, район, ял тăрăхĕсен депутачĕсен çĕнĕ йышне палăртрăмăр.

Авăн уйăхĕн 23-мĕшĕ - кăкăрти усал шыçăпа кĕрешмелли Пĕтĕм тĕнчери кун. Пирĕн çĕршыври тата чикĕ леш енчи сывлăх сыхлав организацийĕсем йĕркелекен мероприятисен тĕп тĕллевĕ - халăха çак чир хăрушлăхĕ пирки тĕплĕнрех каласа кăтартасси. Маларах сипленме пуçласан рака çĕнтерме çăмăлрах. Çакна пурин те ăша хывмалла.

Юлашки вăхăтра демографи лару-тăрăвĕ республикăра лайăхланса пырать - хĕрарăмсем икшер, виçшер е ытларах ача та çуратаççĕ. Йыш хушакансене патшалăх кÿрентермест, çĕр те, укçа та парса пулăшать. Çамрăк çемьесен социаллă программăсемпе усă курса пурăнмалли условисене лайăхлатма май пур. Йышлă çемьесем валли çурт хăпартма бюджетран укçа уйăраççĕ. Çапах та ачана ура çине тăратма çăмăл-и паян? Куллен шкула, ача садне утакансене сахал мар нухрат кирлĕ-çке.

Çулла çумăр çителĕклех çунăран кăçал пахчаçимĕç ăнса пулчĕ. Çанталăк тĕлĕнмелле лайăх тăнă пирки ялхуçалăх предприятийĕсем, уйрăм çынсем уй-хирти, пахчари ĕçсене вĕçлесе пыраççĕ. Купăста касма çеç васкамаççĕ-ха, ун валли сĕтекленмешкĕн кăштах сивĕ тата нÿрĕк кирлĕ.

Указ Главы Чувашской Республики от 19 сентября 2015 года № 126 «О вступлении в должность Главы Чувашской Республики».

Указ Главы Чувашской Республики от 19 сентября 2015 года № 127 «О Кабинете Министров Чувашской Республики».

Пĕр ялта çуралса ÿснĕ вĕсем, пĕр класра вĕреннĕ. Мăшăрланса 61 çул пĕрле килĕштерсе пурăнаççĕ 9-мĕш теçетке çулĕсене парăнтараканскерсем - Муркаш районĕнчи Катькасра пурăнакан Геннадипе Мария Кузьминсем.

Куславкка районĕнчи Пишенкассинчи Владимир Пименова хисеплесе çапла чĕнеççĕ çынсем. «Пĕчĕккисем те чупса пырсах сывлăх сунаççĕ», - тет вăл. Пĕччен пурăнаканскерне çакă та хăпартлантарать. Шел, мăшăрĕ çут тĕнчерен вăхăтсăр уйрăлнă. Çапах хĕрĕ, мăнукĕсем, мăнукĕн ачи яла пырсах çÿреççĕ.